Indeed, Carcar is Nice!

Trese ka tuig na nga gipahigayon ang Kabkaban Festival sa dakbayan sa Carcar, pero unang higayon pa lang nako nga nakasaksi niini niadtong nilabay nga Domingo. Ug wa ko nagmahay uy nga nitekang gyud ko didto bisa’g rest day nako. You know me, rest day is ligid-ligid sa balay day ra gyud na.  Mugawas ra ko’g musimba, usually.  Pero last Sunday was different kay nitekang gyud ko’g Carcar uy, after all free transpo man sab. Why not, coconut? Pakkk!

Mabulukon kaayo ang Kabkaban Festival uy, especially ang ritual showdown nianang pagka gabii. Napulo ka contingents ang tagsa tagsa nga mipasundayag sa festival stage atubangan mismo sa city hall. Ang mga contingents naggikan sa 10 ka mga dagkong secondary schools sa dakbayan. Sa ikatulong higayon dili contest ang festival, hinunua gihatagan ang matag contigent og subsidy sa kagamhanan sa dakbayan. Suma pa ni Mayor Nicepuro “Nice” Apura, gituyo gyud nila nga dili na lang mag-contest aron walay magmahayay ug madismaya. Ang kasagaran man gud matud pa nga mahitabo mao nga mag-isig panindotay gyud ang mga contingents, unya ang uban nga walay budget mabiwian intawon. Busa aron ma angay better subsidize na lang. Nindot ra sab si Mayor Nice da. Pakpak!

Hugyaw gyud ang mga performances uy! Tanan kay makapakpak gyud ka. Bisag dili ko taga Carcar, naka feel sab ko’g proud moment niadtong gabhiona gumikan sa kanindot sa mga pasundayag kansang tema nagtuki sa kultura, kasaysayan, religious ritual and even culinary secrets sa maong dakbayan. Hugyaw uy! Ganahan kaayo ko sa gipakita sa Barangay Valladolid, nalingaw ko nila. Nipakpak sab ko’g maayo sa contingent gikan sa St. Catherine College.  Hahaha nalingaw sab ko sa fact nga tanang contingent daghan gyud kaayong bayot nga performers uy, mga agaw eksena kaayo. Proud kaayo nila ug nakahinumdom na lang sab ko sa akong high school life nga dance troup member ko. Pakpak!

Ang banggiitang si Val Sandiego nga usa ka malampusong anak sa Carcar ug maoy nag-ugmad sa bantugan na kaayong Sandiego Dance Company maoy festival director. Nindot ilang ritual showdown kay wala nay mga dagkong props ug backdrop uy, kay ilang gigamit LED TV na nga dako kaayo uy. Ka hugyaw na man lang inig ilis-ilis sa background. Murag it’s a first in Cebu! Truly Kabkaban Festival is world-class! Maka proud! Pakpak!

  Ug gumikan sab sa Kabkaban nagkita gyud tawon mi sa akong barkada ug classmate sa USJR masscom ug karon mao nay HR manager sa dakbayan nga si Alpha Vanessa Aviles-Saducas. Proud ra sab gyud kong Alpha uy nga maoy nag-host sa ritual showdown kay fast-paced gyud, walay daghang checheburitche! Dili laay unya nindot sab gyud siya’g speaking voice. Tibuok kaayo og tingog akong classmate uy nga last namong kita kay pag-graduate pa namo in the not so distant past. Hahaha. Congratulations! Thank you City PIO and Tourism Officer Candice Sandiego Acuña for the invite.