Hugyawnatic

Dear Banat News Hugyaw,

Maayong adlaw sa tanang readers sa Banat News Hugyaw ilabi na sa mga suki sa Love Story! Ako diay si Yish, 25 anyos ug nagtrabaho isip instructor sa usa ka private school dinhi sa Cebu City.

Aduna ko’y boyfriend, siya si Tanly , pareha mi og edad ug nagtrabaho siya sa usa ka restaurant diha sa Banilad.

Duha na ka tuig ang relasyon namo ni Tanly ug dili nako ikaulaw ang among love story.

Sa tinuod lang, ako maoy una nga naganahan niya, nagkaila mi kay barkada man siya sa usa nako ka classmate sa una.

Pagkaila  namo,  na-starstruck  gyud ko niya kay guwapo man gyud siya busa giingnan nako akong amiga nga crush nako siya.

Akong amiga mitabang og tupo namo, kung manglaag gani mi, pakuyogon dayon na niya si Tanly aron magkasuod mi og maayo.          

Pag-una namong kuyog-kuyog, mura ra man og wala si Tanly uy, balewala  ra gyud siya sa pagsige nako og papansin kaniya.

Murag usa ka buwan gyud mi nga magsige og panuroy, pero daghan mi ha para dili kiwaw ba.

Wala ko kaaguwanta , nangayo gyud ko og number niya, may gani kay nihatag ra sad siya dayon.

Ako gyud permi ang unang mo-text niya, ug maayo gani kay dili siya arte. Mo-reply dayon siya , pero dili sweet, hahaha, pero okay na lang , ang importante ni-reply siya.

Sa pagsige namo og text-text, nideretso na gyud ko og angkon niya nga siya akong crush. Dugay kaayo siya ka-reply, ug mao kini ang iyang gitubag (wala gyud ko makalimot): ‘Hi Yish, crush diay ko nimo? Dili man ko guwapo, pero bahala ka, crush ra bitaw na.”

Wala ko makasabot sa iyang reply.  Na-feel nako, mura ra man siya og wala uy, maong niana ko kung puwede ba mi mag-date. Ulaw kaayo kay ako gyud ang nanghagad og date niya, babaye baya ko. Pero unsaon ta man, ganahan man gud ko niya.

Nag-date mi usa ka restaurant sa IT Park, first time namo nga kami rang duha ang nanuroy  ug grabe gyud ang akong kakulba.

Nangutana ko niya, kung unsa ang iyang reaksyon sa akong rebelasyon nga crush nako siya ug mitubag siya nga na-shock siya.

Miingon si Tanly nga interesado pud siya nga makaila siya sa akong batasan.  Mura ko’g gibayaw, wala ko kasabot sa akong gibati, kay na-feel nako nga duna gyud diay pag-asa, hahaha.

Wala ma’y uyab si Tanly niadtong higayona, maong okay ra pud niya nga mag-date mi permi. Magkatawa ko maghuna-huna sa akong kaugalingon, pero malipay man gud ko kung mag-uban mi.

Nakagusto na gyud ko ni Tanly kay samtang nagdagan ang panahon, akong nasuta nga buotan gyud siya nga pagkatawo ug dili siya mapahimuslanon.

Miabot og tuig  ang among kasuod, diha pa na-develop si Tanly kanako,  ug mapasalamaton ko nga naabot gyud ang panahon nga nanguyab siya kanako.

Sa pagsige daw namo og date, na-develop daw siya nako, ug saludo daw siya nako kay wala ko laayi sa among panag-uban.

Sa among kasuod man gud, niana gyud siya nga dili siya manguyab nako basta dili siya ma-develop nako.

Paet man daw nang lalaki nga manguyab sa babaye nga wala siya  mahigugma kay nagkalas ra daw na sa oras.

Kay nanguyab naman siya nako, kana nagpasabot nga ganahan siya nako! Hay salamat wala gyud masayang ang akong pagpinaabot. Mo-request lang ko og Mr. Right by Kim Chiu .

Hello Yish! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News