Pagtulun-an sa “Ex With Benefits”

Abi ko ba og puros ra gyud sex ang Ex With Benefits. Hahaha. Nitan-aw ko last Wednesday kauban akong amega nga  rayna sa Barangay Buhisan nga si Rhan Gingoyon sa maong pelikula, ug ako pa gani siyang giingnan nga dili man matud pa ni nindot og istorya dai. Nitan-aw ra gud ko kay honestly love pa man gihapon nako si Derek Ramsay diay uy, nihupas na man unta unya nibalik man ang feeling. Pakkk!

Si Rhan kay giganahan gyud siya sa istorya sa pelikula. And surprisingly ginindotan ko sa maong pelikula because nakapupo man ko og pagtulun-an sa maong pelikula. Una, mao nga everybody deserves a second chance. Med rep man si Coleen Garcia unya perte gyud niyang paningkamot nga makakuha og endorsement gikan sa mga doktor. Sa iyang paningkamot naguba iyang imahe, negatibo kaayo. Ni-resign siya sa trabaho, apan gihatagan siya og second chance sa iyang amo ug giingnan nga tabangan siya niini nga makabarog og balik gikan sa pagdaot sa iyang imahe  sa industriya. Pero gipasaad siya nga kinahanglan nga adunay integridad ug likayan na niya ang unsa man gani ang iyang dili maayong binuhatan.

Ikaduha, kinahanglan gyud nga sutaon una nato ang kamatuoran ug ang rason nganong nakabuhat og dili maayo ang atong isigkatawo sa dili pa ta muhukom. Guba kaayo ang imahe ni Arki (Coleen) sa industriya kay “buy one take one” matud pa iyang style, buot pasabot mao nga hasta iyang lawas apil niya nga ihatag sa doktor nga mu-endorso sa iyang produkto.

Of course, dili excuse ang kawad-on aron ihungit nato sa baba sa imoralidad ang atong kalag kay daghan mang pamaagi nga legal ug moral aron mulambo ang atong kinabuhi. Apan kinsa man kita nga muhukom? Angayan sab natong hunahunaon nga ang mga tawo nga nahitumpawak sa imoralidad, malagmit dili gyud na nila kagustuhan o kabubut-on, kun dili napugos lang gyud sila pagbuhat sa ingon kay wala na silay kapaingnan. Sama kang Arki nga maoy nahimong breadwinner sa pamilya human giatake sa kasingkasing ang iyang daddy ug napobre sila. Giatake iyang amahan kay wala na nakasugakod ang lawas nga nag-atiman kang Arki kinsa nisuway og pakamatay pinaagi sa pagyarok og tablitas human sa gidangatan sa relasyon nila ni Dr. Adam (Derek).

Ikatulo, gipakita sab sa maong pelikula ang kamahinungdanon sa pagpasaylo. Giklaro niini nga dili ka mamahimong makapasaylo sa imong isigkatawo o sa nakasala nimo kun ikaw mismo dili makapasaylo sa imong kaugalingon. Busa wala gyud nakigbalik si Arki kang Dr. Adam bisan pa man tuod og nahigugma pa silang duha sa usa’g-usa kay buot niya nga mapasaylo usa niya ang iyang kaugalingon aron makaako na siya to “forgive and forget” sa uban. Hinuon nagkita ra gyud sila pag-usab sa ending ug hayan naa silay third chance kun naay part two ang pelikula. Pakkk!

So mga nangutana kun nindot ba ang nahisgutang pelikula, my answer is a YES!