So mu-graduate na gyud mo? Madawat na gyud ninyo inyong college diploma! Eh di wow! Bitaw, congratulations and welcome to the real world! Pakpak para ninyong tanan!
Bitaw, nindot hunahunaon nga human sa upat ngadto sa lima ka tuig nga paningkamot, sakripisyo ug gasto, mutapos na gyud mo sa inyong kurso. Malipayon gyud mo ug malipay sab ang inyong mga ginikanan. Nahuman na ang gastuhanan, ug dako ang posibilidad nga makatabang na kamo sa inyong tagsa tagsa ka pamilya. Pakpak!
So unsay buhaton human sa graduation? Akong tambag mao nga chill usa’g gamay. Relax lang ba, aron tagamtamon ang nakab-ot nga kalampusan. Mga usa ngadto sa duha ka buwan nga pahuway, okay na kaayo na. Apan samtang nagpahuway, sugdi na pagpadala inyong mga resume and application letters sa nagkadaiyang mga kompaniya nga muhaom ang inyong qualifications. Sa panahon karon, dili na uso ang mamili og trabaho. Swerte na kaayo kun ang imong unang masudlan nga trabaho mao gyud ang haom sa imong nahuman nga kurso. Busa ayaw na og pamili, kay ang importante mao nga sa unang trabaho makabaton ka og “work experience” aron lig-on na og gamay imong resume kun mu-apply na sab ka og laing trabaho, nga mao na gyud imong gusto ever. Work experience ang labanan karong panahona.
For me, dili importante kun unsay imong unang trabaho human sa imong graduation. What matters is naa kay trabaho gyud. Kay kun magsige ka og pamili og trabaho, dili na gyud hinuon ka makatrabaho, wala kay work experience, maglisud na gyud ka’g sulod. Mao bitaw na nga ang ubang graduates, mag-masteral pa gyud human sa ilang kurso kay para lig-on tan-awon ilang resume. So go na, apply, apply. Ipadala na imong resume didto ug diri. Kun tan-aw nimo nga naay usa o duha sa qualifications nga gipangita, apply na dayon. Hinumdumi, dili kay ikaw ray ni-graduate, liboan mo!
Pwes, ayaw kaguol kun dili ka tawagan or dili ka madawat dayon. Kanang sa interview, ingnon ka nga tawagan ra ka, ayaw lang kaayo’g dahom ana, kay mao nay nice way of telling you nga wala ka nadawat or dili ikaw ilang gipangita. Kanang pagpanarbaho man gud, mura sab na siya og lovelife. Naay magkarelasyon nga meant to be together forever ug naa say meant to break apart. So kun ang trabaho para imoha gyud, madawat gyud ka ana. And of course ang imong labing lig-ong taming sa imo na unyang pag-apply mao gyud ang hugot nga pagtuo nga dili ka pasagdan sa Ginoo. God knows what is best for us. So kun dili ka madawat, do not be sad, just move and tell yourself nga maong wala ka nadawat kay God is preparing you for a bigger and better job. Again, kun pagbuot sa Ginoo, madawat gyud ka ana! Pakpak!