“Closing Time”

Last Sunday night sa usa ka fastfood outlet

Female Crew 1 (F1): Out naka?

Female Crew 2(F2): Karong 10:30. Ikaw?

F1: Closing ko.

F2:  Closing ka, dib a 7am man imong klase ugma?

F1: Yeah.

F2: Nya unsaon mana nimo? Nihangyo unta ka, musugot ramana si maam.

F1: Sige lang kakayanin.

Nagpaminaw ra gyud ko nilang duruha. Apan sa akong hunahuna, nakadayeg gyud ko ni F1. Masaligon ko nga sa iyang ka determinado, mulampos gyud to siya sa iyang pagtungha. Ug kun ma degree holder na to siya, dali rato siyang makakita og trabaho, ug dali ra to siyang ma-promote gumikan kay aduna na man siya’y dili basta-basta nga experience. Pakpak!

Actually, musaludo gyud ko anang mga working students kay sure ko dili gyud intawon na lalim ilang kahago ug paningkamot aron lang gyud makatungha sila. Ganahan sab baya ko mag-service crew before, pero wala lang gyud koy confidence nga mu-apply. Feeling nako sa una, dili ko madawat.

Pwes mupakpak gyud ko ana nila. Kay gawas nga cute sila tan-awon sa ilang uniform, sure ko kapoy gyud kaayo na. Kanang closing very kapoy, ikaw baya’y manglimpyo ana sa inyong outlet. Kana sang opening, dili sab na lalim kay sayo kaayo ka mubangon ana. What if dugay ka natulog kay naa kay gihuman nga report para sa imong klase anang adlawa? In general, dili gyud na lalim kay you deal with people baya, nga ang uban pa, demanding pa kaayo. Pakpak!

Hinungdan nga karon pa lang, para sa tanang working students nga mu-graduate karong buwana, akong mainitong pahalipay kaninyong tanan. Hinaot unta nga makakita kamo og maanindot nga trabaho, sa ingon makatabang kamo sa inyong mga mahal sa kinabuhi. Salamat nga bisan pa man sa kalisdanan nga inyong naagian wala gayud kamo nilurang, hinunua, inyo kining nalampusan. Daghang salamat usab gumikan kay kamo isip working students nga mu-graduate na, magsilbi nga inspirasyon sa uban nga naningkamot usab nga makalampos sa ilang pagtuon.

Graduates of 2015 Congratulations and Welcome to the real world! Pakpak!