CEBU, Philippines - Naa gihapon sa incubator ang anak nila ni Cristine Reyes ug Ali Khatibi. Gi-breast feed kini sa aktres busa naa ra gyud siya kanunay sa tambalanan.
Maricel 50 anyos na
Gisaulog ni Maricel Soriano ang iyang 50th birthday kagahapon. Adunay post birthday party si Maricel alang sa iyang loyal fans karong Sabado, February 28.
Toni nagpasukod na
Gipahibalo ni Toni Gonzaga nga nagpasukod na siya og wedding gown apan dili pa niya isulti ang designer niini. Suma pa ni Toni nga paborito niya ang maong designer ug usa kini ka Pinoy. Iyaha lang isulti ang pangalan niini basta naa na’y final date sa kasal nila ni Paul Soriano. Kaslon silang duha sa simbahan sa Tagaytay gumikan kay dinhi siya gibunyagan.
Tungod sa batasan
Gibutyag ni Luis Alandy nga dili siya reklamador nga pagka-artista ug usa kini sa hinungdan nga wala gyud mahupas ang iyang career. Nasayran nga wala gyud siya pasagdi sa GMA-7.
Keveray ang show
Wala’y plano si Benjie Paras nga manumbaling pa sa mga pangatake na sab ni Jackie Forster ngadto kaniya. Suma pa ni Benjie nga dili siya gusto nga maapektohan ang ilang mga anak ug hagbay na siya naka-move on sa away nila ni Jackie.
Regalo ni Kris
Hatagan ni Kris Aquino si Kim Chiu og ticket sa concert sa One Direction sunod buwan. Nasayran nga sa miaging tuig pa gipalit ang maong ticket nga nagkantidad og P17, 950. Mao kini ang nagsilbing birthday gift ni Kris kang Kim kinsa magsaulog sa iyang birthday karong Abril 15. Samtang nihatag usab si Kris kang Vice Ganda og ticket alang sa concert ni Ed Sheeran karong March 12.
Consultant
Usa si Camille Prats sa motabang sa umaabot nga kasal nila ni Isabel Oli ug John Prats. Suma pa ni Camille nga maayong tawo kaayo si Isabel ug close sila niini.
Wala’y komunikasyon
Giangkon ni Hero Angeles nga gimingaw na siya sa iyang kanhi ka-loveteam nga si Sandara Park. Suma pa ni Hero nga wala na sila’y komunikasyon niini sukad siya nawala sa showbiz.
Isabel emosyonal
Nakahilak si Isabel Oli sa dihang gisukod niya ang iyang wedding dress. Suma pa ni Isabel nga na-feel na gyud niya ang bag-ong kinabuhi ug naghinam-hinam na gyud siya sa kasal nila ni John Prats.
Policewoman pagka Miss Earth 2015?
Aduna matud pay mga lakang karon aron paapilon kining maanyag nga policewoman sa umaabot nga Miss Philippines Earth 2015.
Apan wala pa gibutyag sa www.normannorman ang ngalan niining maong police officer ug ang rason nganong musalmot pa siya og indigay sa kaanyag sa iyang estado karon.
Ang mga detalye lamang nga gimantala pagkakaron mao nga 25 anyos na kining maong police officer, adunay gitas-on nga 5’7, may dugong half-Romanian ug half-Filipino/Igorot, nakahuman og tulo ka college degrees ug gitakdang ma-promote pagka kapitan.
Suma pa sa nahisgutang blog, dugang detalye kabahin niining maong maanyag nga policewoman, unya na ibutyag sa higayon nga pinal na ang tanan ug musalmot gayud isip kandidata ang nahisgutan.
Kahinumduman nga bag-o lamang nidaog isip Mr. International ang pambato sa Pilipinas nga si PO2 Mariano Flormata Jr. o mas naila isip Nheil Perez.
Shaina ug JC sa MMK
Sila si Shaina Magdayao ug JC De Vera maoy magpares sa episode sa “Maalaala Mo Kaya” karong Sabado, February 28. Istorya kini sa managhigala nga nagkahigugmaay.
Bimby mingawon sa yaya
Puwerting hilaka ni Bimby Yap sa dihang nasayran niya nga kaslunon na karong tuiga ang iyang yaya nga si Gerbel. Gikatahong mawili si Bimby sa iyang yaya gumikan kay taud-taud na kini nga nag-atiman kaniya.
Absent sa taping
Human nakagawas si Yasmien Kurdi sa tambalanan, ang iyang anak na pud nga si Ayesha maoy naospital gumikan kay naglain ang lawas niini . Wala gihapon makabalik ang aktres sa taping sa Yagit gumikan sa pagsuway nga iyang giatubang karon.
Unya ra pabunyagan
Gibutyag ni Ara Mina nga pabunyagan lang niya ang anak niya nga si Amanda kung mag-edad na kini og tulo ka buwan. Gipangandaman pag-ayo ni Ara ug sa iyang hinigugma nga si Bulacan, Bulacan Mayor Patrick Meneses ang nahisgutang okasyon.
Best in promote
Wala makatambong si Robin Padilla sa premiere sa “Crazy Beautiful You” nga gibidahan nila ni Kathryn Bernardo ug sa iyang pag-umangkon nga si Daniel Padilla apan iyang gipasalig nga mutan-aw siya niini sunod adlaw. Sa Instagram post ni Robin, giawhag niya ang iyang fans nga mutan-aw sa bag-ong pelikula sa Kathniel.
Lee Min Ho gikagubtan
Gikalipay pag-ayo sa Korean star nga si Lee Min Ho nga nahimamat niya og balik ang iyang Pinoy fans sa pag-abot niya dinhi sa nasud niadtong Martes isip celebrity guest sa pagbukas sa usa ka restaurant didto sa Greenhills, San Juan.
Suma pa nga ikaupat na niya kini nga balik sa nasud ug grabe gyud ang paghangop sa mga Pinoy kaniya.
Gidumogan usab ang iyang show didto sa Greenhills ug nahugyaw sila dihang nilenggua ang nahisgutan og, “Magandang gabi” ug “Na-miss ko kayo.”
Gi-promote usab sa aktor ang iyang action drama film nga Gangnam Blues nga isalida sa mga sinehan sa Pilipinas karong March 4.
“Because of the song ‘Gangnam Style,’ I feel like it will be a very familiar title for you. It’s opening in the Philippines on March 4. It’s set in the year 1970 and I am very, very confident that the message of the movie will be something that all of you will enjoy,” suma pa ni Lee Min Ho.
Basher ni Piolo ipabarang ni Pokwang!
Mibuwelta si Piolo Pascual sa iyang basher kinsa mibanhaw pagbalik sa isyu nga nagkuwestyon sa iyang gender.
Nagsugod kini sa dihang ni-post si Pokwang og hulagway nila Piolo sa Instagram ug nikomedya kini nga siya ang tinuod nga inahan ni Iñigo Pascual.
Apan kalit nga nihirit ang iyang basher nga nagtangag sa username nga “@joydagz7252009” ug nibilin kini og mensahe sa hulagway nga nagkanayon,” “The bakla Piolo hahajaj.”
Wala kaaguwanta si Piolo ug ni-post siya og hulagway sa maong basher kung diin kauban ang anak nga babaye niini ug dunay caption nga, “I hope your daughter (if she is) grows to be a respectful person.”
Dali hinuon nga gipapas ni Piolo ang iyang gi-post isip respeto sa anak sa iyang basher.
Samtang midepensa si Pokwang sa suod niya nga higala nga si Piolo .
“Sa mga haters and bashers, isip muna bago click lalo na kung mabuting tao ang kinakalaban n’yo. Si Piolo Pascual ay napakabait na ama, kapatid at kaibigan so sana tigilan n’yo na ang ganyang mga gawaing maka-impierno sa kapwa. Tandaan lang ang isang salita KARMA!!!’Yun na! Lahat ng masamang gawain, may balik din ‘yan!,” suma pa ni Pokwang.
Sa wala pa ang depensa ni Pokwang, nikomento siya agi’g pangutana nga nindot matud pang ipabarang ug “ipatumba” sa maong basher. (BANAT NEWS)