Hardwork

Kagabii hingpit na nga nitak-op ang 20th Cebu Press Freedom Week celebration. Halandumon alang kanamo diri sa The Freeman/Banat News family ang selebrasyon karong tuiga gumikan kay hingpit namo nga nakab-ot ang among panganti nga maka-grandslam sa Miss Press Freedom pageant. 

Sa 11 na ka tuig sa nahisgutan nga indigay sa kaanyag diin ang mga kandidata mga working journalist gyud, pito na ka korona ang among nahakot, lakip na ang naangkon namo niadtong Sabado. Niadtong 2006 ug 2007, nagback-to-back win na mi pinaagi sa among mga pambato nga sila si Ardelle Merton ug Rachelle Dangin. Nanganti mi nga mag-grandslam niadtong 2008, apan napalpak mi.

Niadtong 2012 ug 2013 subli kami nga naka back-to back win pinaagi sa among mga manok nga sila si Grace Lacamiento ug Jessa Agua. Hinungdan nga nabanhaw ang among panganti nga angkunon ang korona sa sunod-sunod nga tulo ka tuig. Salamat sa  Ginoo, natuman na gyud ang maong panganti pinaagi ni Jean Marvette Demecillo. Pakpak!

Gisugdan niadtong 2004, pambato sa The Freeman ug Banat News sab ang nidaug nga si Lalaine Ginete. Napildi kami niadtong 2005, napildi kami niadtong 2008, ug subli namong naangkon ang korona niadtong 2009 pinaagi ni Stacy Danika Alcantara. Pwede na mi muangkon nga sa Cebu media, ang The Freeman/Banat News maoy "Powerhouse of Beauty." Ha ha ha pakpak! Usa na lang gyud ang among panganti karon: ang makadaug sab og Mr. Press Freedom title kay idlas pa kaayo alang kanamo ang maong titulo sukad gisugdan niadtong 2009. Basin sunod tuig makadaog na gyud mi! Ha ha ha!

Siguro timing, or swerte lang gyud mi nga mga lig-on among mga kandidata kada tuig. Pero gawas sa swerte o destiny, I can honestly say nga we work hard for it. We don't just dream, we make it happen. Ang labing dako nga hagit para nako mao ang pag-convince gyud sa kandidata nga musalmot kay kiwawan baya ang mga journalist nga muapil og beauty pageant, mabwan ra sila. Pero the beauty pageant landscape in general has changed a lot. Sa Bb. Pilipinas, Miss World Philippines ug Miss Earth Philippines dili paigo nga gwapa ug sexy, kinahanglan utukan sab gyud. Sa Mr. & Ms. Press Freedom ingon ana sab, kay 40% baya ang intelligence. And most of the time, gamay ra kaayo'ng ligas sa total score. Ingon niana ka higpit ang panagtigi. Pakpak!

Ang pagsalmot og beauty pageant is a mind game first and foremost. Kinahanglan kumbinsido ka mismo nga makadaog gyud ko. Kinahanglan hugot gyud imong pagsalig sa imong kaugalingon. Nianang aspetoha gyud mi maglisud kada tuig kay ang potential candidate dili convince nga she has what it takes to become Miss Press Freedom. Kasagaran nila, wala gyud mangandoy o wala mag-imagine nga muapil sila og beauty pageant. That is our biggest challenge. Most of the time a week or two before the pageant usa pa musugot ang kandidata. Then we start working-Q&A training, catwalk. Actually, for a week, wala gyuy bugto among Q&A training, we work really hard, we anticipate possible questions, and then we pray harder. Then we get the services of capable people…Ramil Solis for make-up and mga higala nga designer para sa wardrobe.  For this year, si Roger Salazar ug Lemuel Rosos among mga kasangga. Last year we had Philip Tampus. The previous years we had Dexter Alazas. That's how we managed to collect seven out of 11 Miss PF crowns all these years. Happy 20th Press Freedom Week!  Sa sunod tuig na sab!

  Reaksyon? Ipada dungan sa imong ngalan ug address ngadto sa 0928-9903-058!  Hi to Ruel of Naga and Yrujsan of Tisa!