Forever

Sus nakahilak gyud ko atong Biyernes sa tungang gabii uy kay nitan-aw ko'g "Maybe This Time" nila ni Coco Martin ug Sarah Geronimo. Ka kilig naman lang! Ka gwapo sab ni Coco, OM Gee! Nakahilak ko sa ending uy, katong nagkita na gyud sila ug nilenggua si Tonio (Coco) og "Mula noon, hanggang ngayon, and forever, and forever, and forever", nga buot pasabot gihigugma ug higugmaon niya si Tiptip (Sarah) hangtud sa hangtud! Nakapangutana gyud ko'g, where is my forever? Pakkk!

Mahadlok naman gyud ko anang gugma-gugma uy kay bad man gyud akong experience ana many years ago. As in naduslak gyud ko'g maayo ana, that it took me more than a year before I was able to say I'm healed and fully recovered. Makulbaan na sab ko anang kilig-kilig kay sa ngadto ngadto, madutlan man gyud ka ana, unya mahigugma na sab ka, maduslak na sab. Haayyyyyyyy gugma!

Pero ang istorya nila ni Tonio ug Tiptip, although mugna ra to sa tagsuwat nahitabo ug mahitabo man gyud siguro sa tinuod nga kinabuhi. Ang ilaha, kay seven years after pa sila nagkita og usob, wala sila’y closure so when they met again, napuno sa kalagot sa usa’g-usa sa sinugdanan.  Dili man gyud mamakak kining atong kasingkasing, maluibon sab gyud ni siya, traydor ug mangunay og amo. The more nga muingon ta nga dili na nato love ang usa ka tawo, the more nga sungugon kita ug bation og gugma sa usa ka binuhat nga atong gidili dilian. 'Tulak ng bibig, kabig ng dibdib" lang ang peg! Pakkk!

So unsa man gyud ang angayan natong ipatigbabaw when it comes to love: heart or mind? Dugay na kaayo na nga pangutana, wala gyud nay klarong tubag para nako. Siguro, you just have to fall in love, enjoy it 'til it lasts. Kun wala’y swerte, mapukan man gyud ugaling, take the pain and let it linger in your heart for a while. Sakit ang maduslak sa gugma, but mukanta man gyud si Kelly Clarkson og, "What doesn't kill you make you stronger" beh. So hala bira! If it's meant to be, it will happen and you will have your forever.  

Bitaw, atangi ugma dear okRYANians ang bag-ong mugna sa Banat News Hugyaw, ang LOVE STORY! Mahimo usab ninyo nga ipadangat ang inyong kaugalingon istorya sa gugma, kalipay man o kasakit ang ending, alegre man o makapahinuklog, pwedeng-pwede. Ang importante, usa niana ka higayon sa imong kinabuhi, nakamugna ikaw og LOVE STORY.

I-text ang imong reaksyon kon aduna man gani pinaagi sa:0928-9903-058. Butangi lamang palihug og ngalan ug address. Bisitaha sab ang akong blog kon duna kay time: www.ryanmarkable.blogspot.com