Magic words

Nalimot nako og si kinsa ug diin ko makabasa niini, "There are only two words to say in order to be successful in this world: Please and Thank You. " Pero sigurado ko nga pope ang namulong niini. Sakto man gyud, angayan nga mamalihug ug magmapasalamaton. Mao bitaw nga mabwesit ko kaniadto basta dili mag-thank you ang cashier inig human nako og bayad sa akong mga pinalit, magmug-ot pa gyud. Gamay ra na nga butang ug dali nga buhaton baya. And remember, a smile can break a thousand barriers! Pakpak

Apan sa sige nako og tagawtaw kabahin anang dili gyud mag-thank you ilabi na cashiers, naka-realize ko nga hayan wala sila matudlui kabahin niini, kaniadtong nagdako pa sila diha sa ilang tagsa-tagsa ka pamilya. Mao nga sige na lang, ako nalay musabot, ako nalay mag-thank you para nila in my mind. Ug sa mga tindera sab nga magmug-ot, ako na lang say naghatag og tubag sa akong kaugalingong kalibog: hayan dili sila malipayon sa ilang trabaho o hayan walay ayo ang ilang amo. Maong, sige na lang. "May pinagdadaanan," siguro. Pakkk

Sa nakalabay nga mga adlaw nakahimamat ko og mga bata nga gihatagan og pahalipay sa The Freeman Foundation. May mga bata nga mapahiyumon og nindot kaayo paminawon inig ingon nila og thank you. Makapahiyum sa imong kasingkasing. Apan ubay-ubay sab gyud nila ang hilom kaayo human og dawat sa pahalipay, maglibog ka naguol ba kaha o nahimuot sa ilang nadawat. Mao nga among gibuhat, amo na lang pikpikon ilang mga abaga ug sa makusog nga tingog kami nalang ang musulti og thank you, with matching pinakalit og tudlo nga angayan magpasalamat gyud. Hangtud nga wala nagdugay nakasabot na ang mga bata, ug sila na mismo maoy nibungat og thank you with matching smile. Pakpak!

Ako ning gihisgutan dili aron mang-kwenta kun adunay ihatag, kundili aron pagpalanog nga mas maayo gyud nga bata pa lamang tudluan na gyud nato ang kabataan to say thank you and please. Diha sa mga panimalay gayud magsugod ang tanan, ug ang mga ginikanan ang angayan nga mutudlo niini ngadto sa ilang mga anak. Unya inig tekang sa bata sa tunghaan, palawman sab sa mga magtutudlo ang kabahin sa ka bililhon sa paglitok og thank you ug please. Kay kining atong thank you ug please will bring us to places. Pakpak

Kun aduna kamoy panahon, bisitaha akong blog:www.ryanmarkable.blogspot.com

Liza nakilig ni Justin

Labihang lipaya ug kilig kaayo si Liza Soberano gumikan kay follower na niya sa Twitter si Justin Bieber. Para sa mga edaran na, dili big deal ang maong kalambuan, apan para sa mga nakasabot, happy sila para kang Liza. Teenager ra matud pa ang makasabot nganong kilig si Liza kabahin niini.

Si Tom na iyaha

Gikilig sab si Thea Tolentino nga gi-follow siya ni Dennis Trillo sa Instagram.Pero wala na siya na-crush niini, kay ihatag na lamang matud pa niya kini kang Barbie Forteza nga co-star niya sa The Half-Sister sa afternoon prime sa GMA7. Si Tom Rodriguez iyang crush ug pangandoy niya nga makauban sa usa ka project bisag dili leading man, sanglit pwede man sab magaksanay ang managsuon.

Dili na friends

Wala pa gihapon matud pay komunikasyon sila si Carla Abellana ug Geoff Eigenmann sukad sa ilang panagbuwag. Malaumon hinuon si Carla nga sa higayon nga maka-move on na silang duruha, maalim na ang samad sa panagbuwag, magkaistorya sila ni Geoff ug magkahigala pag-usab.

Dili kabit-kabit

Gipagawas na sa Viva Films ang poster para sa umaabot nilang pelikula, "Trophy Wife" starring Derek Ramsay, John Estrada, ug Christine Reyes. Nakasugat dayon kini og pagsaway kay matud pa klaro kaayo sa poster pa lamang nga kabitk-kabit na sab ang istorya niini. Apan nasayran nga usa diay kini ka suspense-drama movie.

Dinner with dads

Nag-dinner date sila si Billy Crawford ug Coleen Garcia kauban ang ilang mga amahan niadtong Biyernes. Sa instagram, labihang nakapasalamat ni Billy sa Ginoo gumikan sa maong panag-uban nila, diin gihulagway niya si Coleen nga "LADYBOSS."

Dili lagi uyab

Subling gihimakak ni Rhian Ramos ang mga tsika nga sila na karon ni Marc Nelson maoy uyab. Wala lagi matud pa nanguyab niya si Marc, kanunay lamang silang magkuyog sanglit kauban sila og gym ug managsama sila og diet program nga gitamdan, hinungdan nga kuyog sila kanunay og kaon, human nila og workout.

Andam na magpakasal

Bukas si Angel Locsin sa posibilidad nga ang kasal nila ni Luis Manzano maoy iyang atubangon, sa higayon nga mahuman na siya paghimo sa pelikulang "Darna" para sa Star Cinema. Pasabot ni Angel, labihan na matud pa kadaghan niyang blessings ug wala na siya’y pangayuon pa. Kun magpakasal sila ni Luis, labihan ka dako niini nga blessing niya. Gihugonhugon nga sunod tuig sila magpakasal.