Kay Gikapoy Malilong ni-resign sa TV5!
CEBU, Philippines - Kutob na lamang ugma puhon, Mayo 23, si Atty. Frank Malilong isip anchor sa Aksyon Bisaya news program sa TV5 ug isip anchor sa radio program Frankahay Ta!
Si Malilong mismo maoy mibutyag niini pinaagi sa iyang Facebook post niadtong nilabay nga Martes.
"I have resigned from TV 5 and Radio 5 effective Friday, May 23. Notice is hereby given to the public that any transaction entered into by me beyond that date will not be honored by the station. And VICE VERSA, hehehe," status update ni Malilong sa iyang FB account niadtong Martes sa udto.
Gumikan sa maong post, daghan ang nangutana kang Malilong nganong ni-resign siya. Tubag niya, gikapoy matud pa siya ug kinahanglan niyang mupahuway kadiyot. Suma pa niya, temporary ra matud pa ang iyang pagbiya sa kahanginan.
Tubag ni Malilong kang kanhi kapitan Jerry Guardo nganong ni-resign siya: Because I am tired. My body aches for a little respite.
Magkongresista?
Sa maong Facebook post, nikomentaryo si Kapusong Bobby Nalzaro nga ang pag-resign matud pa ni Malilong, pagpangandam na sa umaabot nga 2016 elections, diin magpapili matud pa pagka kongresista sa Masbate ang nahisgutang abogado.
Suma pa niya, "out of order" matud pa ang komentaryo ni Nalzaro. Buot pasabot, dili tinuod nga magpapili siya pagka kongresista. Dungan niini, nangayo og dispensa si Malilong kang Nalzaro gumikan kay wala niya kini napahibawo daan kabahin sa iyang pag-resign. Gibutyag ni Malilong nga usa si Nalzaro sa tulo ka mga tawo nga iyang gikonsulta dihang nakadawat siya sa tanyag gikan sa TV5 niadtong 2012.
"Hahaha, the honorable gentleman (Nalzaro) from Zamboanga del Norte is out of order! Bitaw, thanks SuperBob. Sorry, I was not able to let you know about my resignation in advance. I owed it to you because you were among the first three people I consulted when the offer from TV 5 came, nagkanayon si Malilong.
Kahinumduman nga November 2012, gipaila si Malilong isip host sa programang Frankahay Ta sa Radyo Singko ug co-host sa programang Tambag ni Torney kauban usab ang mga manlalaban nga sila si Atty. Umar Redula ug Atty. Briccio Boholst.
Ug niadtong April 15, 2013, gilusad sila si Malilong ug Atty. Georgia Herrera isip mga bag-ong anchors sa Aksyon Bisaya hulip kanila ni Atty. Ruphil Bañoc ug Lanne Sino Cruz.
Muhulip
Tinubdan sa Banat News Hugyaw nibutyag kagahapon nga temporaryo unang mubarog isip co-anchor ni Herrera sugod karong Lunes si Dennis Tanoc.
Ang Aksyon Bisaya makita sa TV5 matag 5:30-6:30pm, Lunes hangtud Biyernes….Ryan Mark
Meg: Dili ko tomboy!
Kusganong gihimakak sa sexy actress nga si Meg Imperial kalabot sa report nga matud pa usa siya ka-tomboy.
Giingong nagsugod ang maong istorya human niya gisaysay nga "girl crush" niya si Angel Locsin.
"Hindi po ako tomboy. Sinasabi ko sa inyo, wala pong something na ganoon," suma pa ni Meg ngadto sa ABS-CBN News.
Giangkon ni Meg nga dunay mga lalaki nga "nagparamdam" kaniya apan gitataw niya nga wala na siya'y panahon niini gumikan sa iyang ka-busy ilabi na nga ni-click karon ang serye niya nga Moon of Desire.
"May mga nagpaparamdam pero siguro wala din akong time na mag-entertain since I work every day. Kung wala akong taping, lumilipad ako sa mga events. So wala ding makipag-date or something," suma pa ni Meg. (BANAT NEWS)
- Latest
