CEBU, Philippines - Pangandoy ni Marian Rivera nga maka-showdown niya sila si Vilma Santos, Maricel Soriano ug Alma Moreno sa umaabot niya nga dance show sa GMA-7. Ang maong klase nga programa maoy sunod nga proyekto ni Marian sa GMA-7 sa higayon nga mahuman na ang seryeng Carmela.
Pa-cute gihapon
Gibutyag ni Daniel Padilla nga naa gihapon sa "ligawan stage" ang istado nila ni Kathryn Bernardo. Ang duha maoy napili nga Prince and Princess of Philippine Movies atol sa 45th Box Office Entertainment Awards niadtong Domingo sa gabii.
Willie todo pangandam
Gipadayag ni Willie Revillame nga nagtigom pa siya karon og daghang mga ideya sa dili pa siya hingpit mobalik sa telebisyon. Gipangandaman gyud kini ni Willie aron segurado nga mahugyaw gyud ang masa kaniya.
Lingaw gihapon
Gitataw ni Vice Ganda nga nagmalipayon gihapon ang iyang kinabuhi bisan wala na siya'y uyab. Matud pa niya nga daghang pamaagi nga malingaw ang usa ka tawo ug dili lang kutob sa uyab-uyab.
Nakapausab sa kaugalingon
Mapasalamaton si Rafael Rosell ngadto sa iyang non-showbiz girlfriend nga si Olivia Modina gumikan kay dako kaayo ang kabag-ohan nga nahitabo sa iyang kaugalingon sukad sila nagkauyab. Gibutyag ni Rafael nga gihimo niya nga inspirasyon sa tanang butang ang iyang girlfriend hinungdan nga ganado siya sa iyang trabaho.
Freddie mihimakak
Gihimakak sa legendary singer nga si Freddie Aguilar ang isyung gipalayas niya sa ilang balay ang iyang anak nga si Maegan gumikan sa away sa kwarta. "I have been supporting my 35-year-old daughter and her family for many years now and have no intention of dragging her through the mud for entertainment's sake," sigun sa singer atol sa pakighinabi niini sa PEP.ph.
Robin isip Andres Bonifacio
Giangkon sa action star Robin Padilla nga siya ang modala sa papel ni Andres Bonifacio sa umaabot nga biographical movie sa maong Filipino hero. Dream come true alang kaniya nga modala isip"Supremo" kay matud pa nagpakita kini og paghigugma kaniya sa iyang nasud. Giklaro usab niya nga dili ang iyang asawa nga si Mariel Rodriquez ang modala sa papel ni Gregoria del Pilar. --Junas Flores, CNU Comm Intern
Ina gipasulod sa Be Careful
Gipasulod sa seryeng Be Careful With My Heart ang sexy actress nga si Ina Raymundo. Midala siya isip Celeste Madrigal nga business partner ni Richard Yap ( Sir Chief ) sa maong serye .
Transformation lang
Daghan ang naukay sa birthday celebration ni Julie Ann San Jose sa Sunday All Stars niadtong Domingo gumikan sa iyang daring performance."Hindi naman po yung talagang mature, like yung magiging revealing o something."Pero siguro, transformation into something na fierce, siguro dahil twenty na ako!"matud pa sa singer.
Wala'y oras sa gugma
Pito ka tuig na nga loveless ang sexy actress nga si Alessandra de Rossi ug kontento ra siya sa iyang istado karon. Suma pa sa aktres nga busy siya sa duha niya ka mga programa sa GMA-7 nga Basta Every Day Happy ug Ang Dalawang Mrs. Real busa wala na siya'y panahon nga makauyab karong panahona.
Dingdong haom sa posisyon
Tsika pa ni Dingdong Dantes nga sukad niadtong 2003, aktibo na siya daan isip volunteer sa National Youth Commission (NYC) busa aduna siya'y katakos sa iyang posisyon isip commissioner sa maong ahensya sa gobyerno.
Xian mihimakak
Gihimakak ni Xian Lim ang report nga matud pa mag-uban sila ni Kim Chiu isip mga bida sa Pinoy version sa Meteor Garden.'"Wow ang galing ha. Mas alam pa nila kaysa sa amin,"matud pa ni Xian sa dihang nahinabi kini sa programang Mornings@ANC.
Nabali ang brief ni mister
Gud am Banat News Hugyaw hpit jud magpatay among clingan, kay pag uli xa iya bana, gipahubo xa asawa, sos na bali man ang brief xa iyang bana kuya, lagot au ang asawa, ingon cya "ayaw q ipareha n monica ha nga tanga!" Na apil man ang legal wife xa ilang pag.away.
Kamo unsay chika diha sa inyong silinganan nga epekto sa salida sa telebisyon ug sinehan? I-text sa 0928-9903-058. Butangi lang og address aron masayud kita hain kini nga silinganan. Walay nganlanay, CHIKA LANG!