Nakadungog ako Niya: Don’t!

Gikapoy gyud ko'g pinakalit adtong Lunes, May 12, hinungdan nga namulong ko sa okRYAN sa dyRC nga mu-absent ko pagkasunod adlaw. Feeling man gud nako walay naminaw nako, kay usa ka oras ug tunga na ang nilabay, wala man gyud kaabot og 10 ang text messages nga akong nadawat. Naglengua gyud ko nga undangon na lang nako ang okRYAN uyy kay gikapoy na sab ko after eight years of doing it (four years sa dyLA, then on my 4th now sa dyRC). I said nga panahon na nga mga bag-ong tubo na sab ang makabaton og kahigayonan on air. I said I'm ready to go, after all last May 15, mao man gyud akong ikawalo ka tuig na sa kahanginan. Yes, and thank you The Freeman editor Fred Languido nga maoy nag-agni nako nga mag-program sa dyLA ug salamat kaayo nilang tanan nga naglangkob sa "Labing Tinamod ug Tinahud nga radio station sa Sugbo," kay very supportive kaayo when I was with them from May 15 2006 to September 18, 2010! Pakpak!

Oka’y na gyud kaayo ko nga muondang na right at that very moment. Apan pagsimba nako sa Cathedral pagka gabii, God whispered to me: Ayaw og undang, hangtud nga dili ako’y muingon nimo nga undang na. Mao gyud ni nga mensahe akong nadawat. Hangtud nga paghuman sa misa, nakahukom ko nga dili lang ko mu-absent pagka sunod adlaw. I realized, it's unprofessional to be emotional. It's boastful to be ungrateful. It's selfish to just stop, gumikan lang kay gikapoy ko og pinakalit. Gawas pa, dili man ang management maoy niingon nga paundangon nako. Pero by the time nga mahitabo nana, dili ko musupak, muduko ko ug mudawat sa maong hukom. Kana kay para nako, sa higayon nga muingon na ang management nga paundangon nako, mao nay pagbuot sa akong One and Only Talent Manager: God.

 Yes, pagka hilason na ba lang sab gyud nako kun mukalit lang ko og undang, samtang ang uban diha wala pa gani ka kita og trabaho hangtud karon. Dili maayo nga mahiubos ko og mga ginagmay lamang nga hinungdan kay lisud na kun ang Ginoo maoy mahiubos nako, magabaan ko ug mawala na gayud hinuon ang tanan nako. So then, I'll just wait for God's next whisper to me, that whisper that will be: Ok Ryan Mark, it's time to move on to your next mission.

Pwes, kay nakonsensiya man ko, nitunga gyud ko sa dyRC pagka Martes sa buntag aron mag-okRYAN. Ug sa dihang nag-low voltage ang transmitter, wala ko ka programa. God really knows what's best for us all. In my case, gipa low voltage niya ang transmitter sa dyRC aron makahunahuna ko og taron ug makapahuway og usa ka adlaw, aron magtigom og kusog ug ka abtik para mapadayon ang akong mission nga hinatag niya. Pakpak!

Kun aduna moy panahon ug kun ganahan mo, palihug pagbisita sa www.ryanmarkable.blogspot.com