God is Good

 Nilarga ko og Manila niadtong Biyernes nga wala ko nasayud mag-unsa gyud ko didto. Una niini, may nailaila ko dinhi sa Sugbo niadtong Sinulog nga adunahan ug buotan kaayo nga negosyante, si BM (Boss Mel). Nibisita sila sa akong programa sa dyRC.Pagka sunod adlaw, paghuman sa Fluvial Procesion nakadawat ko og mensahe ni BM nga nagdapit nako nga patekangon ko og Manila aron makakita ko sa iyang group of companies didto, ingon siya siya’y bahala sa tanan. I said yes. Pagka-Martes niana nakadawat ko tawag gikan sa "PR" ug usa sa mga sinaligan ni BM nga si Lotis, nanawag nako kay nangayo sa akong available schedule para makatekang nako og Manila. Seryoso gyud diay. So nakalarga gyud ko didto adtong Biyernes hangtud Domingo. Pero wa koy ideya mag-unsa gyud ko didto kay giingnan ra man ko ni Lotis nga "pasyal-pasyal ka lang, kahit nga one week ka dito, okay lang sa amin." Pagdayon nakong kanaug sa eroplano, I whispered: Lord, I really do not know why I'm here (Manila). Please take care of me.

Ug tuod man, gisugat ko ni Lotis ug sa manghod ni BM nga si Paula. Mga five minutes pa lang ang nilabay, gikan pagbiya namo sa airport nanawag si BM kang Lotis ug giingnan sa nauwahi ang nahauna nga nasugat na ko nila ug nagkuyog na mi. Nag-istorya mi ni BM, ug iya kung giingnan nga akoy magbuot unsay gusto nakong buhaton-pwede ko mudiretso usa sa 11 ka condo units nga gipanag-iya sa iyang kompaniya aron maka-relax ko kay magkita kami inig kagabii pa, kuyog ang iyang mga empleyado aron ako matud pa nga mahimamat. But I decided nga mudiretso ko sa ilang opisina sa Quick and Fast International Logistics sa Malate Manila. Pag-abot namo didto, iya kong gipailaila sa tanan niyang empleyado.

Ug didto iya ko nga gisultihan nga buot siya nga magpa-member ko sa iyang bag-ong lusad nga cooperative ang Quick and Fast Credit Cooperative nga ang slogan is "Helping People Help Themselves." It's a cooperative nga namugna gumikan sa bagyong Yolanda. Napulo na ni ka tuig actually nga namugna apan ekslusibo lamang sa ilang mga empleyado sa Carmela Tadeo Group of Companies. Namatud-an nila nga epektibo ang ilang gisunod nga sistema, busa nahukman nga paambitan kini sa publiko. Ang mga empleyado ang nagtampo-tampo og salapi gikan sa ilang kaugalingong savings sa coop ug maoy nagsilbi nga seed money kantidad og P2 million. Nahunahuna sa management team nga maayo na lang kay aduna silay savings  busa mas maayo nga mapaambitan ang kawsa sa cooperative aron sa panahon sa kalamidad adunay makuot. Mas epektibo ang cooperative sanglit dako ang interest matag tuig (sa Quick and Fast Credit Cooperative, 3% ang annual interest. Kun ugaling ma-ospital ang membro, automatic nga kuhaan og P5 ang tanang members isip assistance, P20 kun burial. So, the more members the better aron gamay ra ang deduction for assistance.)  Sa Q&F, adunay tipik sa kita nga ihatag sa Carmela Tadeo Foundation Inc. Scholarship program gyud ang tumong sa foundation, gani ubay-ubay na sila og scholars. Apan gumikan sa ilang nakita nga dakong panginahanglanon sa Bantayan Island, priority na  pud sa foundation ang rehabilitation sa maong isla. Ang nakahugyaw kay ang tanang membro, tagsa-tagsaon nila pag-edukar kabahin sa financial literacy sama sa gihimo sa preacher nga si Bo. Sanchez.   Ang pamaagi ni Bo. Sanchez ang ilang sumbanan sanglit ang nahisgutan man ang spiritual adviser ni BM, ug nakita niya ang mga epektibo nga pamaagi niini.

Atol sa among paniudto niadtong Sabado, gipadayag ni BM nga makahimo na kaayo siya muhunong na og negosyo ug magpahayahay na lamang sanglit aduna na man siya'y 10 ka companies. Sa iyang napundar mahimo pa gani nga mularga siya sa gawas sa nasud  matag bulan aron magbakasyon. Apan dili matud pa siya makaako nga biyaan ang iyang mga empleyado nga magproblema, financially samtang nagpahayahay siya. Hinungdan nga agig paghimaya sa Ginoo sa pag-usab sa iyang kinabuhi, sukwahi kaniadtong nag-ilaid pa siya sa Bulacan 25 years ago, nakahukom siya pagpaambit sa iyang kaalam kabahin sa financial literacy ngadto sa publiko pinaagi sa Q&F. As in pobre kaayo si BM og kaliwat, to the point nga mamasul sila og baki aron isud-an ug bisan unsa na lamang nga trabaho iyang gisudlan aron mulampos. Maybe next Sunday or sa sunod pa gyud akong i-share ang iyang inspiring life story, kana kun inyong itugot dear okRYANians.

 Daghan pa kaayo mig naistoryahan ni BM, mga istorya nga igong nakapahilak nako niadtong Sabado sa kadlawon samtang nagsud-ong sa kaanyag sa Makati City gikan sa 59th Floor sa The Gramercy Residences nga maoy iyang gipapuy-an nako nga nag-inusara. Usa sa rason nganong nihilak ko niadtong tungora mao nga wa ko magdahom nga makaistar ko sa maong condo building (the tallest ug grandest matud pa karong panahona kay 80 floors siya ug daghang celebrities ang nanag-iya og unit, apil nas si Piolo Pascual ug Richard Gutierrez. Kinsa ra gud tawon ko?Wala baya gyud koy nahot.) Apan ang labing dako gyud nga rason mao nga sa maong pagtekang nako sa Manila, inanay na nga gitubag sa Ginoo ang akong mga pag-ampo, ang akong kalibog Iya na nga gitubag ug ang akong kabalaka Iya nga gihupay. Nakosensya ko kay sa nakalabay nga mga bulan may mga higayon nga nagpangutana ug nagduda ko sa kaayo sa Ginoo diri kanako. Apan human sa maong pagtekang nako sa Manila nakita nako giunsa pag-andam sa Ginoo ang dalan paingon sa akong mga pangandoy, niadtong  mga panahon nga nagduda ug feeling nako wala ko Niya tubaga. God is good indeed. All the time, always and forever!

By the way, 24 pa ka rosaryohan akong nadawat. Kuwangan pa ko og 31 kay naa koy gipasaligan nga mga estudyante sa Carcar City nga akong hatagan. Hinaut unta nga mu-donate kamo og dugang rosaryohan dear okRYANians. The more the better! Pakpak

 Text me @ 0939-131-6599 with your name and address. Pahibaw-a ko ganahan ba mo nga i-share nako ang RYANMARKable life story ni BM. Pangitaa ko sa Facebook: [email protected] Salamat.