Unya Valentine's Day na gyud karong Biyernes? Dili na gyud na kapugngan . Gani, atong mga higala nga DJs, sukad pa adtong Domingo nitampo og mga artikulo kabahin sa maong adlaw. Di ko ka relate ana, kun uyab-uyab ang iyong punto anang adlawa. Pero, kung ang halapad nga kahulugan sa gugma ang atong hisgutan, of course, kitang tanan maka-relate gyud uy. Pwede man gud nato i-date atong pamilya anang adlawa, mga higala ug kinsa pa nga importante sa atong kasingkasing. Gugma man gihapon na di ba? Pakpak!
Bitaw tuguti ko nga balikan ang nakalabay nga Pasko, usa ka panahon alang sa mas halawom nga kahulugan sa gugma. Nanghatag ko adtong higayona og rosaryohan sa pipila nako ka mga kaila isip regalo. Hinuon 30 ra ka buok akong nahatag kay mao ra may naabot sa akong bulsa, rosary bracelet man gud nga beads, so mahal-mahal pud. Anyway, mapasalamaton kaayo ang mga nakadawat. Dihay miingon nga dugay ra matud pa silang nagpaabot nga naay muhatag nila og rosaryohan. Anaa man guy mga tinuohan nga matud pa, mas maayo gyud nga regalohan ka og religious articles o items kay mas makahuluganon matud pa kaysa ikaw maoy mupalit. Sa maong pamaagi matud pa, imong gipaambitan ang imong grasya ngadto sa imong isigkatawo. So that was why, happy gyud ang akong mga nahatagan.
Para sa mga katoliko, ang pagrosaryo usa ka maanindot nga gimbuhaton. Diha sa pagrosaryo makabaton ka og igong kusog, taliwala sa mga pagsuway nga imong masugatan. I do the rosary trice a day. That's apart from the times nga ma-stress ko or naay makahasol sa akong hunahuna, pagrosaryo ra gyud maoy akong itambal niana. Trust me, after doing the rosary mugaan imong pamati. Ayaw lang pud himuang sleeping pill ang pagrosaryo-kana bang dili ka makatulog maong magrosaryo ka aron dukaon hangtud muhagok na ka nga dili mahuman ang imong pagrosaryo. Utang buot makagaba intawom na!
Gumikan niini, nadasig ko pagpanuktok na pud sa inyong mga kasingkasing nga unta isip pagtamod sa adlaw sa mga kasingkasing, kinasingkasing kamo nga mupaambit og rosaryohan. Usa or duha ka rosaryohan, nindot na kaayo na. Mas nindot kun rosary bracelet aron mapakita nato unsa kita ka kumbinsido sa gahum sa pagrosaryo. Ang uban himuon nilang accessory, okay ra na apan ayaw lang kalimti nga balaan na. Bitaw, I hope musanong na pud kamo dear okRYANians niining maong pagpanuktok nako sa inyong mga kasingkasing, sama sa nahitabo pipila na ka tuig ang nakalabay. Nikabat gyud to og 100 kapin atong nadawat nga rosaryohan baya, daghan kaayong nalipay ato. I hope mas daghan na ang malipay puhon pinaagi sa inyong gasa nga rosaryohan.
Na koy napalit nga rosary bracelet sa Sto. Niño Store adtong Sabado, P15 ang buok sa rosary bracelet nga ginama sa kahoy. Naa puy tag P27 nga naay pakapin nga giya unsaon pagrosaryo. Kun dili makaya sa bulsa, kato na lang kumon nga rosaryohan kay mas barato. My dear okRYANians, please share a rosary this Valentine's for it to be very meaningful. Salamat daan! Mhuaah…
Palihug lang ko og hatud niana my dear okRYANians niining musunod:
Banat News
Cor D. Jakosalem and V. Gullas Sts.
Barangay Santo Niño Cebu City
or
dyRC Radyo Calungsod
Room 301, Dona Luisa Bldg.
Fuente Osmeña, Cebu City
Or text me sa 0939-131-6599