Bibingka Espesyal

Nagkaduol na usab ang buwan sa Nobiyembre, kasagaran kanato ang naghunahuna na kung unsa nga pagkaon ang lutuon atol sa kalag-kalag.

Naandan na sa mga katoliko nga maghalad gyud og pagkaon sa altar o ba kaha sa sam-ang sa mga minahal nila sa kinabuhi nga tua na sa laing kalibutan.

Kung maghisgot gani og lutong Pinoy, naa gyud kanunay ang espesyal nga bibingka.

Gawas nga sayon ra kaayo ang pamaagi sa pagluto, barato ra usab ang  mga ingredients niini.

Tara na magluto na ta!

Mga sagol (alang sa 6-8 nga bingka):

• 2  tasa nga all-purpose nga harina (mahimo ra pud rice flour)

• 2 kutsarita nga baking powder

• 1 kutsarita nga asin

• 3 itlog

• 1 tasa nga asukar

• 1 1/4  tasa nga tuno sa lubi

• 1/4 tasa nga dinugmok nga cheddar cheese

• 2 kutsara nga butter (lanay)

• 2 tbsp. sugar

• 1/2 tasa nga pinikas nga unod sa lubi

Pamaagi sa pagluto :

1. Pag-init  sa oven ngadto sa 350°F (Alang sa walay oven , puwede ra usab hulmahan nga  dunay nagbaga nga uling sa ilawom).  Butangan og wax paper o ba kaha gipurma nga dahon sa saging ang hulmahan.

2. Sa lawom nga plato,  isagol ang  baking powder ug asin. (ilain)

3. Sa lain nga plato, ukaya pag-ayo ang itlog hangtud mohayag ang kolor. Dugangi og asukar ug ukayi og maayo sulod sa singko minutos.

4. Ipuno ang harina uban sa tuno sa lubi.

5. Ipahimutang dayon kini sa hulmahan. (Ipaistar sulod sa 15 minutos)

6. Ipahimutang dayon sa ibabaw ang cheddar cheese.

7. Isulod dayon kini sa lutoanan  sulod sa 10  ngadto sa 15 minutos (Depende sa sitwasyon hangtud nga malanay ang cheese).

8. Inigkaluto niini, pahiri dayon og butter nga dunay asukar . Puwede butangan og presko nga unod sa lubi. (Ubang impormasyon gikan sa www.filipinorecipesite.com)