Gipahilak ko sa Juan for All, All for Juan segment sa Eat Bulaga niadtong Sabado, September 21, katong didto gipahigayon sa Quezon, City. Una, katulo gyud gi-dial ni Bossing Vic ang numero sa winner usa pa kini gitubag. So makaingon ka nga iyaha gyud tong swerte. Nalimot lang ko sa ngalan sa winner, basta babaye to nga 52-anyos na, iyang bana tricycle driver ug aduna sila’y tulo ka mga anak, ang usa ra maoy nakahuman og eskuyla, education iyang kurso pero office staff iyang trabaho pagkakaron. Nag-working student ang maong anak. Duna sila’y karenderya nga mukita matud pa og P200 kada adlaw.
Lisud ilang pagkinabuhi. Abi nako og mao ra toy istorya. Apan aduna pa diay mas dako nga kamatuoran nga nagpahipi nga natribukar human gihinabi nila ni Jimmy Santos ug Jose Manalo ang magtiayon sulod mismo sa ilang gamay nga balay. It turned out ang usa sa mga anak babaye sa magtiayon adunay gihambin nga balatian (myoma man siguro, wala kaayo ma-establish), nga 2011 pa sila gitambagan nga kinahanglang pa-operahan kay mao ra gayud matud pa ang bugtong solusyon. Apan wala sila’y kwarta nga igasto sa operasyon busa nagkadako ang tiyan sa nahisgutang anak.
Dinhi na gisaysay sa anak ug sa inahan nga matag tan-aw nila og Eat Bulaga makahunahuna sila nga kun makadaog lamang gyud sila sa maong segment, sulbad na ang ilang panginahanglanon sa operasyon. Hinungdan nga nagsige sila og ampo nga unta mao kini ang mahitabo. Puwes miabot ang adlaw nga ilang gipaabot nga gitubag na sa Ginoo ang ilang pag-ampo ug pangaliyupo. Pagkahibawo nila nga adto sa ilang sitio ipahigayon ang nahisgutang segment niadtong Sabado, nakasiguro na ang nahisgutang anak nga mao na gayud kadto ang tubag sa Ginoo, nga sila na gyud maoy makadaog. The rest, they say, is history. Pakpak!
Puwes dear okRYANians, ipadayon lang gayud ang inyong hugot nga pag-ampo. Ug dili pa kana dunggon sa Ginoo, ayaw kaguol kay ihatag ra lagi na diha nimo sa tukmang panahon ug mas nindot pa kaysa imong gipangayo ang imong madawat. Tan-awa kadtong inahan ug anak, gawas nga nakadawat sila og igong kantidad para sa operasyon, aduna pa gyud silay mga appliances nga bag-o. God knows best. Kung "libre ang mangarap" mas dakong libre ang pag-ampo. Busa go lang ng go. Have faith, believe and receive. Pakpak!
Magdungog gihapon kita pinaagi sa okRYAN sa dyRC..Radyo Calungsod 648kHz., 10am to 12 noon, Mondays to Saturdays. Pangitaa ko sa Facebook: Libertine_real88@yahoo.com