Hello ug Maayong Domingo! Karong adlawa, maghatag ako og mga tips kung unsay angay buhaton para makapangandam sa bagyo. Tungod kay panahon naman karon sa mga bagyo diri sa Pilipinas, importante nga inyong mahibaw-an unsay angay ninyong buhaton niining panahona.
1. Sa dili pa moabot ang bagyo, limpyohi inyong drainage system para dili kini mobara ug malikayan ang baha sa inyong lugar.
2. Ipahiluna ang inyong mga butang sa balay sa medyo taas nga lugar, ilabina ang mga butang nga gamitan og kuryente, para dili kini peligro kung mosulod ang tubig sa inyong panimalay.
3. Pangandam ug pagtingob og pagkaon ug tubig nga sakto sa pipila ka adlaw. Mas maayo kung kini de lata o dili na kinahanglan lutuon.
4. Kung ikaw nagpuyo sa may baybayon o duol sa sapa, mas maayong mo-evacuate namo ug balhin sa mas taas ug luwas nga lugar.
5. Pag-andam og flashlight, batteries, kandila ug first-aid supplies.
6. Tutoki ug sunda ang balita sa radyo (mas maayo kung de baterya) o telebisyon para kahibaw ka sa labing bag-ong balita kabahin sa bagyo.
7. Pagpuyo sulod sa balay, ayaw og gawas ug likayi ang pagbyahe.
8. Likayi ang pag-ubog sa baha para dili ka masakit.
9. Pawnga ug likayi ang paggamit sa mga butang nga nay kuryente kung naay baha sa inyong lugar.
10. E-charge daan inyong mga cellphone, laptop ug uban pang gadget nga magamit ninyo sa pag-monitor sa balita ug pagpangayo og tabang.