Glow and Glow!

Sa okRYAN sa dyRC adtong Biyernes adunay okryanian nga taga Talisay, City nga nangutana unsa matud pa ang akong sekreto nga luto man kaayo ko og bahakhak sa kahanginan, daw walay problema. Ako siyang gitubag nga mutuo siya ug sa dili, ang nag-una gayud nga rason mao ang “Prayers.” Yes, it’s my faith that makes me happier these days. Of course aduna koy mga problema, kinsa guy wala tawon? Samtang buhia ka pa aduna gayuy mga problema nga mukusukuso nimo matag karon ug ugma. Pero, nalampusan na nako ang mga panahon nga matarantar ko, ang mga problema nga akong nasinati sa milabay nga katuigan maoy nakapahimsog sa akong pagtuo nga dili gayud ko pasagdan sa Ginoo. So I lift up everything to him lang. My happiness inside radiates outside because of God’s loving embrace. Unya ako siya nga giingnan nga naggumikan usab kana kay I exercise regularly and I watch what I eat.

Pwes, adtong Biyernes sa hapon nadasig na lang sad gyud ko og panukiduki sa internet unsa nga mga prutas ug utanon ang makapanindot sa panit aron kun malipayon ka inside, masidlakon pud ka outside. Ug ang akong nakuykuyan sa http://naturalhealthezine.com mao kining musunod:

1. Tamatis—Gawas nga aduna kini antioxidant aduna pud kini iron ug vitamin A nga maoy mubatok sa nagkadaiyang sakit lakip na cancer. Ang antioxidant makabata sa panit hinungdan nga nindot tan-awon. Aduna usab matud pay component ang tamatis nga makatabang sa pagpaubos sa timbang.

 2. Oranges—Puno sa vitamin C, nga maoy gikinahanglan aron mapalig-on ang  imong lawas batok sa mga sakit. Ang maong vitamin C makatabang usab matud pa paglimpyo sa lawas batok sa mga toxins ug impurities. Isip body cleanser, makapabata usab kini sa panit ug maoy muhimo niining lab-as ug lagsik tan-awon. Makatabang usab matud pa batok sa constipation o kanang maglisud paggawas sa hugaw.

 3. Pipino—Ang “cooling effects” sa pipino matud pa, makatabang pagpaubos sa timbang. Isip “skin care regimen” magsilbi kini nga “astringent” nga mupahayag sa imong panit. Gigamit pud kini isip “natural face packs” ug pangbatok sa bugas-bugas.

 4. Carrots—Adunay vitamin A nga makapabaskog sa panan-aw o mata. Ang pag-inom og carrot juice sa dili pa mamahaw matud pa, makapalig-on sa immune system. Isip skin care regimen, ang carrot juice makapabata sa imong panit. Mubatok usab kini sa cancer

5. Grapes—Maayo nga blood purifier or panglimpyo sa dugo. Manalipod usab kini aron dili mag-uga ang imong panit sa ingon maanindot tan-awon. Ang kunot sa nawong, ilabi na ang anaa duol sa imong mga mata matambalan usab matud pa pinaagi sa pagnudnod og grape juice. Makapabata gayud matud pa.

6. Lemons—Gawas nga panalipdan niini ang atong kasingkasing, maayo usab matud pa kini aron mahimsog ang imong panit ug buhok. Makaayo usab kini aron ma-regulate ang imong blood pressure ug matarong ang pag-circulate sa imong dugo, nga maoy gikinahanglan alang sa “healthy younger-looking skin.”

7. Pinya—Ang pineapple juice maayo matud pa nga panglimpyo sa lawas. Ang vitamin C niini makapalig-on sa imong immune system, samtang ang antioxidants maoy mulimpyo sa lawas.

Magdungog gihapon kita sa okRYAN sa dyRC 648khz., matag 10am to 12 noon—Lunes hangtud sa Sabado. Mahimo pud makita sa www.dyrc-cebu.com Aduna pud koy facebook, para sa ganahan lang: [email protected]