“Will You Be My Girlfriend?”

(First of Two Parts)

(Sila si Sean Uy ug Christine Aya Narvios puros produkto sa Sinulog Idol—Si Aya sa Season 2, samtang si Sean sa Season 4. Puros sila tinun-an sa kursong Physical Therapy sa Cebu Doctor’s University. Gisaulog nila ang ilang 8th monthsary kagahapon, ug si Sean maoy naningkamot nga mapatik kining ilang love story isip surpresa kang Aya.)

Niadtong miapil kog Sinulog Idol pa’g 2012, nalantaw ti ka, nakahinumdum ba ka? Gitawag ka ug si Jacque ni Coach Jay nga pasudlon sa lawak. Unya, nakabantay ko sa imung kaanyag. Ug mao kadto ang pagbati nga kung makit-an nimu siya makausa, maghandom ka nga malantaw nimu siya pag-usab. So mao to, wala na tika makit-an hangtud nga nag-party si Rica.

Unya, sa party ni Rica, wala gani ko kabalo nga anaa usab ka hangtod nga niduol ka nako ug nanghulam sa akong gitara. Ang akong gihunahuna kay “mao man na siya!” ug ang imung tawag sa akoa kay “kuya.”

Karon, sa eskwelahan, nitawag si Rosette nako og “Kuya Sean” ug miingon “Aya oh!” ug mitubag kog, “Hi” di ba? Ug ako nahingangha “mao to siya?”

Milabay ang pipila ka semana ug naatol nga nakit-an nako imung karaan nga Facebook account, nisulay ko pag-add nimu, pero dili na ko pwede tungod sa kadaghan sa imung mga higala sa Facebook. Maayo gani kay nakahinumdum ko ni Rosette ug kamo higala sa Facebook. Nangutana ko niya kung aduna kay lain nga account… ug anaa jud diay! Mao nga gi-add tika! Hee! Dayon, nakigchat ko nimu (naglaum ko nga mutubag ka) Naghinam-hinam ko.. So mao to, pagkasunod nga adlaw naghuwat ko nimu mga alas 9 pasado hangtod nga ma-online ka pero wala. So nagpadala kog offline message ug mitubag ka human ang usa or duha ka oras. Ug susama usab ang nahitabo pagkasunod nga mga adlaw… Samtang milabay ang mga adlaw, nagsugod na ko kaganahan nimu kay lingaw ka katabi, maanyag, ug naghagit kanako pinaagi sa pagpangita sa imung numero. Hahaha! Nitext ko kagatosan nga mga numero para lang makuha nako ang imung numero pero bililhon ra pod.

Mao to, atong una nga panagkita kay kadtong atong pag-bansaybansay sa NSTP choir, nagsuot ka’g puti nga pang-ibabaw, ug gakarsones! Milakat ka, nitan-aw nako nga murag nasuko, ambot lang, pero wala ko makapugong sa akong kaugalingon kundili makapugong. Tungod niadto medyo nakaamgo ko nga bililhon ka sa akoa kay naghulat ko nimu sa gawas damta’g usa ka oras.

Nangagi ang mga adlaw ug kita nag-uban sa kantina. Gipakanta ko nimu og “Happy Birthday” nga murag buang-buang, para lang mulampos sa imung hagit kanako… Hangtud karon dili ko makatuo nga imu kong gipabuhat adto.

Milabay ang usa ka semana ug naghimu tag kasabotan nga kung mukanta ko, imu ihatag kanako ang imuhang study load. Mao to, akong gidala ang akong gitara ug gikantahan tika. Dili gani nimu halos ihatag ang imung study load, kay ganahan ka gayud muhagit nako.

Human sa duha ka adlaw, sa Bubbletea, nag-uban ta. Giingnan tika nga piyongon ang imung mga mata and mutuo kanako, ug diha diha dayon mihalok ko sa imung aping (mura to’g kalit nga atake nga matang sa halok). Mura ko’g gibayaw sa kalipay adtong tungora, kay para nako usa na kadto ka kalampusan. Mao kadto ang akong unang halok kanimo. Sa laing bahin, ang atong unang litrato nahimugso.

Namalandong ko makadaghan….

Nakig-estorya dayon ko ni Kirk (akong pinakasuod nga higala) mahitungod adto, ug gasige ko’g pangutana sa akong kaugalingon, “Nahulog na ba gyud akong pagbati diha kaniya?” kay dili man siya Intsik o Asyano (nga mao akong mga type kaniadto). Ug akong sulti sa akong kaugalingon, “Oo, nahulog na gyud ang akong pagbati kaniya, ako siyang hagdon nga mahimong akong uyab.”

Mao na kadto, niabot sa “planning stage”… ug ang plano nabuhat! Ang amo na lang kulang ang pagpatuman sa plano!

Miabot ang adlaw, ug gikulbaan ko pag-ayo, tungod kay dili ko segurado kung sayo ra ba o dili… hahaha! Pero nagpasalamat ko sa Ginoo nga niingon ka’g “Oo.”

Ug gikan adtong imung usa ka pulong, ang uban sa atong estorya sa kahangturan kay nahan-ay. Bisan pa man sa tanang kalisdanan nga imung gipatagamtam nako, para lang maako ka, ang pinakapunto mao nga, akong gibuhat ang tanang hagit, para lang mapalipay tika ug para mahiduol ko nimu ug bisan karon wala ko makabalo ug kung nganong nabuhat to nako, kay dili ko kadto gayud mabuhat sa uban. Ug pareho sa atong relasyon, kung adunay muabot nga kalisdanan, akong igiya ang barko, imaneho ang sakyanan, ipalupad ang eroplano, akoy mudala ug akong paninguhaon nga magkadayon ta’ng duha hangtod nga atong maihap ang kawalay katapusan… Tungod kay mahal walay laing hinungdan….

Ang pinakahinungdan kun nganong gipili tika kay mao nga ang gugma mipatigbabaw ug naghimu sa atoa nga mas matahom. Gihiguma tika kagahapon, nahigugma ko kanimu karon, ug higugmaon tika hangtud sa kahangturan.

Nagmahal,Imung uyab

Atangi ang sumpay ugma puhon.

Hugyawnatics, halandumon, mabulukon o makakilig ba ang inyong love story sa imong hinigugma? Ganahan ka ba nga paambitan kana sa tanang hugyawnatics aron ilang mapanaminan? Suwata ka na, ug pagpili og kanta (theme song) nga muhaom niini ug ipadala sa: [email protected]