Maayong adlaw!! Paspas kaayo ang panahon ug Pebrero na sad. Buwan na pod sa gugma. Naa na ba moy date sa Valentines day? Kung naa kamoy mga pangutana nga may labot sa pagsaulog sa buwan sa gugma, i-text na para sa sunod Domingo, ako kanang matubag tanan. Pero of course, ako sang tubagon ang mga problema ug pangutana sa uban natong mga suki diri sa Anah Lang.
1.Hello Ate Anna. Mangutana unta ko kung unsa ang bagay ipares sa leggings nga black. Welma Romo from Lorega
- Hi Welma! Ang dapat ipares sa leggings kanang tag-as nga blouse o shirt nga motabon sa sampot. Likayi ang mga ordinary nga katas-on nga tshirt o blouse kay makita ang linya sa inyong panty. Ang leggings dili na murag pantalon. Pwede ning paresan og boots, high heels o closed nga flats. Ayaw paresi og open sandals o tsinelas o rubber shoes.
2. Good morning Ate Anna. Ask lang unta ko kung unsa nga website ang nindot e visit about sa fashion. Thanks. Ivy of Lapu-Lapu
- Hi Ivy! Daghan kaayo nga mga fashion websites ug blogs nga pwede nimong kuhaan og inspirasyon sa panamit. Ang akong paborito kay ang sa akong suod nga higala nga beauty queen usab, si Maggie Wilson. Visit www.haute-affair.com. Ang iyang style kay classic ug masul-ob gyud. Naa poy usa ka sikat nga fashion blogger nga Cebuana, si KryzUy. Visit www.kryzuy.com.
3. Hi god morning te anna. Betchay of Mandaue here. Unsay mga uso nga mga sanina this 2013? Unsay nindot nga hair color if you have fair skin?
- Hi Betchay! Sa fashion, modepende gyud na sa season ang trends. Karong Spring-Summer 2013, uso ang stripes, leather, mga peekaboo style, ug sporty skirts. In ang mga colors nga emerald green, coral, red, lemon yellow ug monaco blue.
4. Good morning Ate anna! Beverlyn Omelgo from Carcar. Ask lang unta ko kung unsay angayang suoton sa mga itumon, may pagkadakuon og bagtak. Then ate, unsay padaot nga exercise nga dili managko ang bagtak og bukton. Thank you and More Power!
- Hi Beverlyn! Unahon nato imong pangutana sa kung unsay suoton sa mga itumon o morena. Dapat mosul-ob ka’g white, orange, cream, mint o beige/nude. Then kung gusto kag exercise nga makadaot pero dili makadako sa bagtak ug bukton, pag-cardio pareha sa running, swimming o brisk walking. Likayi ang mag alsa para di managko imong muscles.