Nathaniel Tiu, Beautiful Mind and Heart

CEBU, Philippines - Disisais anyos, o duha ka tuig  pa lamang ang milabay sukad siya misalmot og pageant. Ang Mr. & Ms. Olive C Campus Model Search nga gipasiugdahan sa Psalmstre Enterprises, mao pa lamang ang ikaduhang indigay nga gisalmutan ni Chu. Ug kaluoy sa Ginoo, puros siya nagmadaugon sa maong mga pageant.

Saysay pa niya sa Banat News Hugyaw, gidapit siya sa iyang maestra aron musalmot sa ilang unibersidad, didto nakaplagan siya sa fashion designer ug pageant director nga si Lemuel Rosos. Ubos siya sa pagdumala sa Limerick Production…Models and Events by Lemuel Rosos.

Si Chu kansang mga kandiis makapasamot sa iyang kaambongan, miasoy nga sa hisgutanan sa gugma, gipasidan-an siya sa iyang mga ginikanan nga kinahanglang responsabli siya ug dili niya pasagdan ang iyang pagtungha. Duna na siya’y uyab, apan wala na matud pa sila kaayo’y komunikasyon human mibalhin ang babaye og laing tunghaan. “Focused ko sa akong studies ug aktibo ko sa mga leadership programs ug mga community service gawas sa school,” hulagway pa niya sa iyang kaugalingon. Dugang pa niini, “Ganahan ko’g tawo nga tinuod sa akong atubangan ug sa luyo. Di ko ganahan og mga tawo nga hanginun ug mga judgmental nga tawo.” Sa pre-pageant sa Olive C, gibutyag niya nga full scholar siya sa CHED apan kinahanglan pa gyud niya nga mag-service crew sa usa ka fastfood chain sanglit kuwang ra ang iyang kwarta para sa mga panginahanglanon sa iyang kurso, ingon man allowance ug projects.

Icebreaker

Banat News Hugyaw (BNH): Unsa para nimo ang meaning sa success?

Chu: Happiness and contentment.

BNH:  Kun langgam ka, asa ka buot muadto ug ngano man?

Chu: Camotes (Poro), para makabisita ko sa akong pamilya kun mingawun nila.

BNH: Unsay imong pagpangandam alang sa national pageant?

Chu: Pareho sa Cebu leg, one day at a time.. mag take care sa ako self, eat healthy food, exercise, and pray.

BNH: Unsa nga bahin sa imong lawas ang imong paborito ug ngano man?

Chu: Akong mata, kay daghan nag-ingun nga nindut kuno akong mata. Mao nang na paborito nako.

BNH: Kun may artista ka nga makauban og date, asa nimo kini dad-on sa Plaza Independencia o Fuente Oval? Ngano man?

Chu: Fuente Oval. Mas daghan mabuhat sa Fuente ug mas maka appreciate siya sa syudad sa Sugbo.

 BNH: Unsay labing bulawanong pagtulun-an nga imong nakat-onan gikan sa imong mga ginikanan?

Chu: Be humble always ug pasalamat permi sa Ginoo kung unsa man imung mga nadawat.

Serious Question

 BNH:  Unsay imung baruganan sa pre-marital sex?

Chu: Di ko ganahan mu-judge pero para nako importante lang jud nga responsable ang tao sa consequences sa ila gibuhat, bahala unsay ilang ganahan buhaton.

BNH: Kung kaatubang nimo ang Ginoo unsay imong pangayuon niya? Ngano man?

Chu: Ma successful ko sa akong studies ug career para maka suporta nako sa ako pamilya ug matagaan sila’g stable nga panginabuhi.

 BNH: Unsa nga problema sa mga batan-on ang para nimo maoy kinahanglang atimanon sa goberno? Ngano man?

Chu: Education, kay daghan kaayo ganahan mu-eskwela pero walay kwarta. Luoy kaayo naay ganahan mu skwela pero dili kaayu utokan niya dili ma tagaan og scholarship tungud kay dili ka abot ilang grado sa gi-require sa gobyerno, especially sa ganahan mag college.

 BNH: Kun aduna kay buot mabalik sa mga nahitabo kaniadto, unsa kini ug ngano man?

Chu: Wala, kay kahibaw ko nga kung unsa man tong mga nahitabo sa una naay rason ang Ginoo.

BNH: Unsay imong pilion: fame or fortune? Ngano man?

Chu: Fortune, kay mas daghan ka’g freedom… Mas daghan ko matabangan.. bahala na dili ko sikat basta makatabang lang jud ko ug malipayun ko.

 BNH: Atol sa pageant may mga mikomentaryo nga bayot matud pa ikaw mulihok sa stage, unsay imong reaksyon?

Chu: Sa kadtong pag-pageant, dili jud ko kaayu komportable sa ako mga gipang suot except sa formal wear. Mura na nuon og pinugus akong paglihuk. Bisan ako, maka katawa ko sa akong kaugalingun. (hehe)..Para nako, ako ranang gi respeto ilang mga komintaryo kay lahi lahi man jud og panan.aw ug mga opinion ang mga tawo kanato.

BNH: Kun mahibaw-an nimo nga bayot ang imong bestfriend nga lalaki ug mupadayag siya sa iyang gibati diha nimo, unsay imong isulti niya?

Chu: Ako siya ingnan nga gi respeto taka kung unsa ka, nya kung naa cyay gibati para nako.. ako lang cya ingnon nga dili nako mahatag ang unsa iyang ganahan mahitabo.

HMUA: Cythia Olivarez

Designer: Lemuel Rosos

Name: Nathaniel Tiu

Nickname: Chu, Tan

Address: Basak San Nicolas, Cebu City

Birthday:  August 25, 1994

School: CIT University

Course: Bachelor of Science in Mining Engineering

Favorite Celebrity: Anne Curtis

Celebrity Crush: Anne Curtis

Song of the moment: Stitch by Stitch –Javier Colon

Motto: Success is not the key to happiness;

Happiness is the key to success.

Height: 6 ft.

Pageant Titles: Mr. Olive C Campus Model-Cebu 2012,  Mr. CIT University (Freshmen) 2011 (BANAT NEWS)