Be brave or be Afraid?

Usahay sa atong pag-inusara, may mga panghitabo nga mukalit lamang og panuktok sa atong panumduman, mga panghitabo nga tipik ug kabahin sa atong kagahapon ug sa atong pagka kita. Usahay pud, may mga awit nga kalit lamang mubutho diha sa atong hunahuna, makapangutana kita ngano ug ngano ba? Bunga lamang ba kining tanan sa kalaay o may mga nagpahiping pagbati nga sarang dili nato mapadagayday hinungdan nga ang atong hunahuna na lamang ang mismong mikuykoy niini aron sarang mahatagan og katumanan? Unsaon gyud? Pakkk!

Ambot ba, niining milabay nga mga adlaw, kalit ra mang mituybo diha sa akong hunahuna ang awit ni Madonna nga “You Must Love Me” ug “Ocean Deep” ni Cliff Richard. Gikan sa You Must Love Me kining maong mga linya ang naglagubo sa akong dalunggan, “Deep in my heart, I’m concealing Things that I’m longing to say Scared to confess what I’m feeling Frightened you’ll slip away.” Samtang sa Ocean Deep kini: Ocean deep/I’m so afraid to show/ my feelings/I have sailed a million ceilings/Solitary room.” Ang nakaparat kay wala ko makasabot para kang kinsa kining maong mga linya haom nga ipahinungod. Naunsa na diay ko bai? Pakkk!

Pwes aron adunay kahulugan kining maong mga linya naumol sa akong hunahuna kining musunod nga mga pangutana: Hangtud kanus-a nimo taguon ang imong tinuod ngadto sa usa ka binuhat nga duol sa imong kasingkasing, (bestfriend, officemate), sa kahadlok nga mahanaw na hinuon siya sa hingpit? O kinahanglan ba nimong ipabuhagay ang pinitik sa imong kasingkasing, sa pamasin nga tugbangan niya ang mao nimong gibati? Mas pilion ba nimo nga iluom na lamang ang gisinggit sa imong dughan basta makauban lamang nimo ang maong binuhat sa kanunay? Pakkk at isa pang Pakkk!

Pero ingon akong amigo ug suki sa okRYAN, si Architect Myk Carpio diha sa Cambaro, Mandaue niadtong Lunes dihang naminaw siya sa atong programa sa dyRC, nga kun ang usa ka binuhat mahadlok o walay kaisog pagpadayag sa iyang gibati, nagpasabot kana nga dili tininuod ang iyang tinguha ngadto sa maong tawo. Hala noh, naay ingon niana? Ang peg ni Myk kay, “hahamakin ang lahat, mapasaakin ka lamang.” Hi Myk! Mayka diha, happy sa imong lovelife with doktora! Pakpak!

Pwes, unsa man gyuy inyong baruganan beh my dear okRYANians? Conceal or show? Be afraid or be brave? Hala ka diha! Pakkk.

Tubag diha Razel Cuizon, City Hall beat reporter sa dyRC Radyo Calungsod. Belated happy happy birthday. And hi ngadto sa binuhat nga naghatag og pahiyom nimo karong panahona si….unya na lang sa December 12 nganlan.

* * *

Mwning! For me no age bracket as long as ur both inlove. Monthsary for my honey and I means we remember d lucky no of us and were gratedul to the month addition of our relationship evethou only a month in year were together, gift every monthsary is not needed, a simple exchange of greetings is enough..Kara in mepz..0923207****

Hai okryan..para naku ang monthsary kai timaan lang sa inyo pagka uyab, pila na bulan ang milabay,  maski d lang mu maghatagay og gift, ang importante mau mu lawas sa usag-usa, unya musimba mo…benadette sarnillo, cagay sibonga cebu…09092362****

Hello ryan..para nako ang monthsary sa pagkakaron angayan nato buhaton kay karon sa kadaghan magbuwag na! huna-hunaon ug gahinan jud na! labaw nga husband & wife na, depende kung duna kay ikabuga why not! Paghidomdom nga naabot anang buwana ang inyong relasyon or love. Go to church first with your children. Even a simple thing, a kiss..as long as u remember, respect & love each other…Minda Omega, Lorega St. CC…0919228****

Gud day…nice jud ang Banat News  makarelate jud qoh, 4 me “Monthsary” s nt mportant at ds tym, kay dili na uso kna..makalimot pman gane ang uban sa birthday sa uyab o magtiayon samot jud ng monthsary…rosemitch of bogo….0905591****

Para nako walay age bracket ang pagcelebrate  anang monthsary nya dili kinahanglan gastuso, pag greet lang hapi nami sa usag-usa nya mas kilig kay akong bf ang mas nakahinumdom kay kanako….Michelle E. of Carmen, Cebu….0906378****

Good morning! Kuya ryan para sa ako, importante jd na kay dra nagsugod ang inyong hinigugma anang adlawa kung kanus-a jud mo nagkauyab…reamae, apas lahug…0933637****

4 me dapat isaulog jud ang monthsary bsan og simple lang coz wala ta kbalo kung asa tu2b ang relasyon basi unyag dili maabtan og year…May of Sta Fe…0948337****

* * *

Reaksyon? I-text kauban ang imong ngalan ug address ngadto sa 0943-431-4567 sa dili pa ang tingpaniudto karong adlawa (12noon, November 22). Ayaw taasa aron siguradong mamantala.

Magdungan kita sa dyRC 648khz.Radyo Calungsod, 10a.m. to 12noon, Lunes hangtud sa Sabado. Makita pinaagi sa www.dyrc-cebu.com