Yezz, mga Calungsod, mga katagilungsod, mga kapamilya, mga kapuso ug mga kafatidzz! Yezz, naka-recover na tingali ko, [so I hope] so let’s move on. Wa pa matapos ang kalibutan, ug kinahanglang magpakabuhi, samtang wa pa mohatag og sign si Lord, nga nakahuman na ta’g serbisyo dinhi sa kalibutan, ug kinahanglan nang magmalipayon na ta uban Kaniya forever in Heaven. Pero samtang wa pa kita mahuman sa atong serbisyo dinhi, uban sa mga pag-antos, tungod lagi, kay duna pa pod kitay daghang nahimong mga kasaypanan, hala, serbisyo!
Ug tungod niini, kalimtan ang mga kaligutgot kun aduna man. Busa, Langga Neda, Bonding Adrian bisa’g may kahiubos mi sa Star Cinema, hisgutan lang gihapon namo ang lain na usab nga pelikula sa Star Cinema. Nag-ulohan kini og 24/7 kun wa ko masayop [ug wa nako kini tuyoa]. Usa kini ka star- studded triology. Triology gani, tolo ka istorya sa usa ka full-length major movie productions. Pero lain lain kini’g mga artista. Ang usa ka istorya sila si John Lloyd Cruz ug ang bag-o niyang hinigugma nga si Angelica Panganiban. Antipatiko gyod ko niining bag-o nilang relasyon, sorry kaayo. Ang laing istorya gibituonan nilang Gerald Anderson ug Kim Chiu. Kini, ganahan ko ani nila. Kay bisa’g sa mga interviews, maila nga nindot ang ilang attitude. Buotang mga bata. Unya, ganahan sad ko’s bag-ong tandem ng bayan. Sila’s Sam Milby ug Pokwang. Ug take note, daghan sila’g love scene, may bed scene pa! Ma-take Pampee Barcenas?