Walo ka teams magtige sa Duke Frasco Cup

CEBU, Philippines — Walo ka teams ang magtinaktakay alang sa korona sa Cong. Duke Frasco Invitational Basketball Cup nga gikatakda karong Marso 20-22 didto sa Panphil B. Frasco Memorial Sports Complex sa Liloan, Cebu.

Gawas sa host Liloan, mokumbati sab sa tulo ka adlaw nga torneyo nga giorganisa nilang Liloan Councilor Kath Jumapao, Ian Callet sa CSAS ug Jover Pisao ang mga koponan gikan sa Compostela, Danao, Carmen, Catmon, Sogod, Cebu City ug Lapu-Lapu City.

Moduwa sila ubos sa knockout format hangtud sa finals.

Ang makampiyon mobulsa og P200,000 samtang ang first runner-up mokubra og P100,000.

Ang teams nga makaabot sa ikaduhang hugna garantisado na og P20,000 matag usa samtang kadtong matagak og sayo makadawat og P10,000 nga konsolasyon. “This tournament will jumpstart the opening of the new Panphil Frasco Gym in Liloan, which will be fully air conditioned and has wooden floors. It also boasts of six dugouts as well as comfortable seats and a VIP lounge so it is great for Liloan,” matud pa ni Jumapao