CEBU, Philippines — Managlahi ang misyon sa NorthPort Batang Pier ug San Miguel Beermen sa dihang mag-abot sila sa usa ka krusyal nga duwa sa PBA Commissioner's Cup karong adlawa (Martes, Enero 21) didto sa Ynares Sports Center sa Antipolo.
Tuyo sa Batang Pier nga pahayagan ang ilang tsansa nga makaangkon og luna sa Top 2 nga dunay twice-to-beat advantage sa playoffs, samtang ang Beermen naglaraw nga palig-onon ang ilang kampanya nga makasud sa quarterfinals.
Ang Batang Pier napilde tulo ka higayon sa miagi nilang lima ka duwa hinungdan nga natagak sila sa kinatas-ang bahin sa liderato.
Nagtabla sila karon sa ikatulong dapit uban ang Hong Kong Eastern ug ang Meralco Bolts bitbit ang managsamang 7-3 rekords. Usa ka duwa lamang ang ilang gintang sa 6-3 nga Rain or Shine.
Nahimutang sa nag-unang duha ka puwesto ang TNT Tropang Giga (6-2) ug ang Converge FiberXers (8-3).
Samtang ang San Miguel nagkompayot sa ikaupat nga dapit uban ang 4-5 nga marka. Nagsisikit kanila ang Magnolia Hotshots ug NLEX Road Warriors nga parehong nagkupot og 4-6 nga baraha.
Buhi pa sab ang Phoenix Fuel Masters nga dunay 3-7 rekord.
Tungod niini, ang Beermen obligado nga modaog sa katapusang nilang tulo ka duwa sa eliminasyon batok sa
Batang Pier, FiberXers ug Tropang Giga aron molapad ang ilang dalan padung sa sunod nga hugna sa torneyo.