CEBU, Philippines — Tulo ka mga dagkong proyekto ang nagpaabot kang Julia Barretto karong 2025. Kini naglangkob sa drama series nga What Lies Beneath ug Hello Heaven, ug ang reality talent show nga Artista Academy . Sa pagka-karon , nakapunting ang atensyon sa aktres sa promosyon sa pelikulang Hold Me Close nga official entry sa umaabot nga 50th Metro Manila Film Festival.
Enrique balik-teleserye
Seguro na ang pagbalik ni Enrique Gil sa teleserye ug sugdan na ang taping niini sa sa sayong bahin sunod tuig. Suma pa sa aktor nga nahibaw-an na niya ang konsepto niini hinungdan nga naghinam-hinam na siya sa maong proyekto . "Actually co-produced namin ito with ABS-CBN, my concept kaya excited ako rito," saysay pa ni Enrique ngadto sa ABS-CBN News.
Milihay sa isyu
Wala'y plano si Janice de Belen nga mosawsaw pa sa panagbuwag nila ni John Estrada ug Priscilla Meirelles. Adunay kagahapon sila si John ug Janice busa dunay pipila ka netizens ang nakuryoso kun unsa kaha ang ikasulti niya sa maong butang.
Kathryn gibisita ni Daniel
Niulbo ang chika nga subling nagkaabot ang mga dalan sa kanhi mag-uyab nga sila si Kathryn Bernardo ug Daniel Padilla sa usa ka event .
Nahitabo matud pa kini sa ABS-CBN Christmas Special kun diin gibisita ni Daniel si Kathryn sa dressing room niini .
Giingong nagdala pa gyud og buwak si Daniel alang kang Kathryn . Taod-taod na nga wala magkakita ang duha .