KICE, mopakilig sa bag-O niya ng awit
CEBU, Philippines — Nipadangat sa iyang love confession ang Kapamilya singer nga si Kice sa iyang bag-ong kanta nga "Can't Get You Out of My Head."
Si Kice mismo ang nagsulat ug nagprodyus niini kauban si Gab Tagdadtad, samtang ang StarPop label head nga si Roque “Rox” Santos ang nagsilbing supervising producer niini.
“I made this song back in 2016 and produced it a year ago. I was thinking the 16-year- old me was really onto something when writing this song,” matud pa ni Kice .
Unang nailhan ang singer-songwriter sa dihang nalakip siya sa "Idol Philippines" season 2 diin siya ang third placer sa kompetisyon ug nakadayeg ang audience sa iyang performance sa "Nasa Iyo Na Ang Lahat" ug "Angel."
Sa niaging tuig, gisugdan ni Kice ang kinabuhing recording artist ug gipagawas ang mga single nga "Only Girl" ug "Lose Control." Siya usab ang naa sa likod sa tingog sa awit nga "Simulan" nga kabahin sa soundtrack sa teleseryeng "Dirty Linen".
Gawas sa musika, nisulod usab siya sa pag-arte pinaagi sa serye sa ABS-CBN nga “Linlang” ug miyembro usab siya sa “ASAP” Rockoustic Heartthrobs.
Ang bag-ong kanta ni Kice nga "Can't Get You Out of My Head" kay madungog sa nagkalain-laing digital streaming platforms.
- Latest
