Mensahe ni Rey Valera ngadto kang Sofronio nabanhaw

CEBU, Philippines — Dili gyud malimtan sa The Voice USA grand winner nga si Sofronio Vasquez  ang nadawat niya nga mensahe kaniadto gikan ni Rey Valera sa panahon nga nisalmot pa siya og "Tawag Ng Tanghalan".

Gipaambit sa singer pinaagi sa Instagram  ang video nga nagpakita sa iyang kaagi   gikan sa pagsalmot niya og mga kompetisyon dinhi sa Pilipinas hangtod  nisalmot siya og The Voice didto sa  Amerika kun diin napili siya  nga  mananaog .

Makita sa maong video ang pagpadangat og mensahe sa beteranong singer  ngadto kang Sofronio  .

“You are your best friend. Ikaw ang mentor mo, sarili mo. Ikaw na rin ‘yung cheering squad mo.At kung hindi ka man ngitian ng Lady Luck ngayon, I’m sure dahil ‘yon sa alam niya na ikaw ang gagawa ng sarili mong swerte at hindi mo siya kailangan.Because ‘yung ganyang klaseng tao, you will always find your way," ni Rey pa ngadto kang Sofronio atol sa pagsalmot niini sa TNT unom ka tuig na ang nilabay  .

Selena ug Benny engaged na !

Nag-propose na og pagpakasal ang record producer nga si Benny Blanco ngadto sa iyang hinigugma nga si Selena Gomez .

Wala'y duha-duha si Selena sa matam-is nga pagsugot sa tingoha sa iyang hinigugma nga pakaslan siya  .

Gianunsyo ni Selena ang update sa iyang lovelife niadtong Huwebes .

Gipasigarbo ni Selena ang gisul-ob niya nga engagement ring  .

"Forever begins now..,” Instagram post ni Selena..

Kahinumdoman nga sa niaging tuig pa gipublikar ang ilang relasyon.

Nagka-collab kaniadto ang mag-uyab sa   mga awit nga  “Same Old Love” ug “I Can’t Get Enough.