CEBU, Philippines — Talagsaon nga dagan sa istorya ang idalit sa umaabot nga pelikula nila ni Francine Diaz ug Seth Fedelin nga 'My Future You' .
Mao kini ang entry sa Regal Entertainment alang sa Metro Manila Film Festival 2024.
Ang maong pelikula kay nagsaysay sa istorya sa duha ka tawo nga konektado sa misteryosong kometa ug usa ka dating app nga nagsumpay sa ilang mga timeline—2009 ug 2024.
Gisulayan sa ilang mga karakter ang pagsulat sa nangagi aron matukod ang mas hayag nga kaugmaon, apan ang ilang mga pagpili kay nalandig sa wala damha nga sangpotanan
Gikatakdang motikang karong adlawa dinhi sa Sugbo sila si Francine ug Seth alang sa promosyon sa ilang pelikula ug makighimamat sila sa ilang fans karong alas 4 sa hapon diha sa SM City Cebu alang sa usa ka mall show, ug modreto dayon sa SM Seaside City sa alas 5:30 sa hapon alang sa cinema visit.
Si Crisanto B. Aquino ang direktor sa 'My Future You' nga ipasalida sa mga sinehan karong Disyembre 25.
Heaven ug Marco nagkalawom ang pagsinabtanay
Nipadangat si Heaven Paralejo sa iyang appreciation post alang sa aktor nga si Marco Gallo.
Taod-taod na nga gidungog nga dunay relasyon ang duha gumikan sa sweet kaayo nila nga mga lihok.
Suma pa ni Heaven nga sa mga hagit sa kinabuhi nga iyang giatubang ,si Marco maoy moplantsa sitwasyon aron siya mahuwasan.
“Amidst all the chaos, you’re my calm. Thank you for not only being by my side but also capturing every moment so beautifully through your lens. Your support, both behind the camera and in life, means everything to me ,” matud pa ni Heaven.
Nitubag dayon si Marco og, “You’re the best plot twist I could ever ask for.?
Rufa Mae ug Trevor nagbuwag ?
Gisumsoman karon sa mga chismosa ang nikatap nga taho nga matud pa nagbuwag na sila si Rufa Mae Quinto ug ang iyang bana nga si Trevor Magallanes.
Giiangong dunay nanggawas nga mga screenshot kalabot pagbinayloay og mensahe sa magtiayon.
Matud pa nga naggawas ang hait nga mga pulong sa ilang tinubagay.
Wala pa motingog ang duha ka kampo kalabot sa maong taho .