Panthers, Fighting Maroons magbangga sa CESAFI
CEBU, Philippines — Ang University of Southern Philippines Foundation (USPF) Panthers ug ang University of the Philippines (UP) Cebu Fighting Maroons mag-abot sa talagsaon nga Miyerkules nga iskedyul sa Cebu Schools Athletic Foundation, Inc. (CESAFI) Season 24 basketball tournament diha sa Cebu Coliseum.
Naglaraw ang Panthers nga inaton ang 2-4 nilang rekord sa dihang ilang sangkaon ang UP Cebu sa alas 6:45 sa gabii.
Samtang ang Fighting Maroons nanghinaut nga pakgangon ang lima ka sagunson nilang malas sukad sa madaogon nilang sinugdanan batok sa Cebu Institute of Technology-University (CIT-U) Wildcats.
Sa pasiunang aksiyon sa alas 5:15 sa hapon diin magbugno ang mga high school teams, ang CIT-U Baby Wildcats mosakbang sa USPF Baby Panthers.
Ang 5-4 nga Baby Wildcats nagtinguha og krusyal nga daog batok sa 4-4 nga Baby Panthers aron pahayagan ang nipis kaayo nilang tsansa nga makasud sa Final Four.
- Latest
