Bucks mipakgang sa sagunson nilang malas

CEBU, Philippines — Si Damian Lillard mipatuasik og 34 puntos sa dihang gisungag sa Milwaukee Bucks ang Utah Jazz, 123-100, aron putlon ang unom ka sagunson nilang pilde sa NBA kagahapong adlawa didto sa Fiserv Forum sa Milwaukee, Wisconsin.

Mao pa lamang kadto ang ikaduhang daog sa Bucks sud sa walo ka duwa.

Dako sab og naambag si Giannis Antetokounmpo nga mikolekta og 31 puntos ug 16 ka rebounds ingon man si Bobby Portis nga mitimbre of 19 puntos.

Ang Bucks alkansi og kuwatro puntos, 57-61, human sa first half, apan mipabuto og 31-16 nga bomba sa ikatulong kuwarter aron kontrolahon ang duwa.

Sa ubang mga resulta, ang Minnesota Timberwolves miihaw sa Chicago Bulls, 135-119, samtang ang San Antonio Spurs mibugha sa Portland Trail Blazers, 118-105.

Si Anthony Edwards miposa og lima ka 3-pointers sa iyang 33 puntos uban ang walo ka rebounds ug unom ka assists.

Mihimo sab og kasikas sila si Julius Randle ug Rudy Gobert nga nagkumboya'g 43 puntos alang sa Wolves. adding 21 points.

Sila si Nikola Vucevic ug Coby White nagkumbinar og 49 puntos sa pilderong Bulls.

Didto sa San Antonio, walo ka players sa Spurs ang mikadlit og double-digit hinungdan nga yano nilang gipasukarap ang Blazers.