CEBU, Philippines — Ang Professional Youth Fellowship Basketball Advocacy (PYFBA) nakig-alyansa sa Sombrea Lawaan Youth Movement (SLYM) sa dakbayan sa Talisay luyo sa managsama nilang tinguha nga ibubo ang paningkamot alang sa kaayuhan sa mga kabatan-onan pinaagi sa paugnat sa kusog.
Ubos ning kolaborasyon, ang PYFBA ug SLYM nagtinguha nga gamiton ang basketbol isip plataporma aron dasigon ang mga batan-on sa pagbuhat og mahinungdanong kalihukan, magpakabana sa katilingban, ug suportahan ang programa alang sa ilang kalamboan.
"Together, we’re not just playing a game – we’re building a future. Through basketball, we’re empowering youth to lead, grow, and make a difference. Join us in transforming lives, one game at a time," matuyd pa ni PYFBA founder ug director Deej Villanueva.
Naghinaut ang PYFBA ug SYLM nga sa ilang pag-ambahan, makahulma sila og usa ka produktibong bantawan alang sa mga kabatan-onan pinaagi sa sports ilabi na kay makahatag kini kanila og mga maayong pamatasan sama sa teamwork, displina ug paghangop sa komunidad.
"The ultimate goal is to empower young people, helping them develop leadership skills, stay active and engaged, and become responsible members of the society," panapos pa ni Villanueva.