CEBU, Philippines — Andam na ang tanan alang sa One Central Eagles Region ug Philippine Institute of Certified Public Accountants (PICPA)-Cebu Chapter 2-in-1 Rapid Chess Tournament nga gikatakda karong Disiembre 1 didto sa Cebu Chess Club nga nahimutang sa 4th floor sa Robinsons Galleria Cebu.
Gawas sa tropeyo, ang makampiyon sa open division ning siyam ka hugna nga kompetisyon mobulsa og P10,000.
Ang mopahiluna sa ikaduha ngadto sa ikalimang dapit makadawat og P5,000, P3,000, P2,000, ug P1,000. Ang 6th ngadto sa 10th mokubra og P700 ug ang 11th-15th adunay P500 matag usa.
Ang top 5 sa 16 Under category mokabi og P5,000, P3,000, P2,000, P1,000, ug P700. Ang maglangkob sa top 10 dunay tag-P500 nga insentibo.
Ang rehistrasyon nagkantidad og P250 alang sa mga partisipante sa U16 ug P300 sa mga open players. Kadtong mga seniors, PWDs, ladies, ug nag-edad og 12 anyos paubos adunay P50 nga diskwento.
Alang sa dugang detalye, mahimong mokontak ni Kevin Yap (09458559800) sa Cebu School of Chess, tournament organizer Atty. Rhenier Mora o Ma. Crizelda Cruz (09278368441) sa One Central Eagles Region.