CEBU, Philippines — Ang Toyota Team Cebu (TTC) mipalig-on sa ilang tinguha nga masakmit ang kampiyonato human sa maanindot nilang performance sa Round 2 sa 2024 Toyota Gazoo Racing (TGR) Philippine Cup didto sa Clark International Speedway sa Mabalacat, Pampanga ning bag-ohay pa lamang.
Ang hanas nga mga drivers sa TTC dako'g puruhan nga malangkat ang korona sa tanang tulo ka mga kategoriya tungod sa gipakita nilang kadasig taliwala sa daghang mga hagit nga misuway og babag sa ilang dalan.
Human sa duha ka hugna nga aksiyon, si Russel Cabrera nagbarog sa ikaduhang dapit sa Super Sporting Class standings, samtang si Jarond Mesina nagkupot sa susamang puwesto sa Sporting Class.
Sa iyang bahin, si Rex Abrenilla ikatulo karon sa Promotional Class.
Sa Team Championship, ang TTC kasamtangang nakigsawo sa liderato padung ngadto sa ikatulo ug katapusang hugna nga gikatakda karong Nobiembre 7-9.
Round 2 has always been tough for Toyota Team Cebu in the nine years that we ve been in the Vios Cup. Nevertheless, we will have to go back to the drawing board and draft a more exact plan in winning the overall championship," matud pa ni TTC team manager Lord Seno.
"Proud of our drivers particularly Johndale Dy for calming his nerves and getting a race win. Rex Abrenilla as well for being very consistent. We’re now tied for the lead in the Team Championship standings going to leg 3, but we ve done this before and we will bounce back in the finale, dugang pa ni Seno.