Mga bayani sa hilom misidlak sa Palaro

CEBU, Philippines — Naputos man tuod sa kontrobersiya ang 64th Palarong Pambansa ning bag-ohay pa lamang apan dili malimod ang kamatuoran nga dalaygon ug impresibo ang pag-host sa dakbayan sa Sugbo sa usa ka semanang torneyo nga gisalmotan sa labing tadhan nga mga estudyanteng atleta sa elementarya ug high lukop nasud.

Taliwala niining tanan mipatim-aw ang pipila ka mga bayani nga nagpahipi lamang ug daw sa nataligam-an apan dako og natampo  sa naglagiting nga kalamposan nga natagamtaman sa Raynang Dakbayan sa Habagatan.

Usa kanila ang mga sakop sa Medical Team, nga angay daygon tungod sa ilang kakugi, dedikasyon, ug pagsakripisyo aron lamang  magmabungahon ang kalihukan alang sa tanang mga hintungdan,.

Matud pa ni Dr. Rhoel Dejaño, ang pangu sa Palaro Medical Committee, nga dili lalim ang pagpadagan og usa ka halapad nga operasyon diin ilang gi-atiman ug gihatagan og libreng serbisyong medikal sa halos tanang klase sa lawasnong kakulian ang dul-an sa 15,000 ka mga delegado nga gikatag sa 20 ka billeting quarters, 33 ka playing venues, ug mini hospital nga nakapuwesto sa main stadium.

Nagkanayon si Dejaño nga ang ilang gibuhat maoy labing una sa kasaysayan sa Palaro.

Si Dejaño, nga gipasiduggang "Sportsman of the Year" atol sa 38th Sportswriters Association of Cebu-San Miguel Beer (SAC-SMB) Cebu Sports Awards niadtong Mayo, mipaambit nga migahin sila og usa ka tuig sa makuti nga pagplano ug dili maihap nga mga miting aron  andamon ang ilang kaugalingon alang sa maong malisud nga tahas.

"We could not have done it without the help of a lot of individuals from the Cebu City Government, Department of Education and other volunteer groups. I don't want to mention them as I am afraid I might miss out somebody . But for sure I'm very thankful to all of you from the bottom of my heart," dason pa ni Dejaño.

"On behalf of the Medical Committee of Palarong Pambansa 2024, I extend my heartfelt gratitude to each of you for your incredible dedication and hard work in making this event a resounding success. Your commitment to ensuring the health and safety of all athletes has been truly commendable. From providing medical assistance on the field to coordinating emergency responses behind the scenes, your efforts have not gone unnoticed," dugang pa niya.

Mapasigarbuhon kaayo si Dejaño nga nahimo siyang kabahin sa usa ka propesyonal ug maloloy-on nga grupo ilabi na kay nagamit nila ang ilang abilidad pagsabwag og kaayuhan sa ilang isig ka tawo ilabi na sa mga atleta nga ilang natabangan nga makakumbati sa labing maayo nilang kondisyon.

"Thank you once again for your unwavering support and commitment. Let's continue to strive for excellence and contribute to the success of future Palarong Pambansa events," padayag pa ni Dejaño.

Sa hilom nagselebrar man tuod sila apan ang ilang nakab-ot sipa kaayong nagasulti sa ilang kaugalingon.

Panahon na nga mokanta og pagdayeg alang kanila. Sila sab adunay panahon nga mosidlak.