June Mar Fajardo usa sa labing ngilngig nga mga atleta sa Asya

CEBU, Philippines — Boxing legend Manny Pacquiao nag-una sa listahan; Diaz ika-19

Ang Sugbuanong basketball star nga si June Mar Fajardo ginganlan nga usa sa labing maayong mga atleta sa Asya sa ika-21 nga siglo sigun sa sports website nga ESPN.

Ang 34-anyos nga higante gikan sa lungsod sa Pinamungajan, habagatang bahin sa Sugbo ika-25 sa listahan.   

Si Fajardo nagkupot og rekord sa pito niini ka sagunson nga Most Valuable Player awards nga nagdayan-dayan sa 10 niya ka kampiyonato sa PBA.

Ang dominanteng sentro sa San Miguel Beer nagkupot og mahinungdanong papel sa dihang ang Gilas Pilipinas nakadaog og makasaysayanong gold medal sa Hangzhou Asian Games sa miaging tuig ug kabahin sa Philippine national team nga mipakurat sa World No. 6 Latvia atol sa FIBA Olympic Qualifying Tournament duha ka semana pa ang milabay.

“Fajardo's consistent excellence and influence on Philippine basketball underscore his significant impact on the sport that Filipinos love,” dason pa sa ESPN.

Si Fajardo usa sa tulo ka mga Pinoy nga naapil sa listahan diin si boxing legend Manny Pacquiao maoy nahimutang sa numero unong puwesto.

“He won world titles in an unprecedented eight weight divisions, showcasing his versatility and dominance. Pacquiao's career spanned over three decades, during which he defeated numerous boxing legends,” suwat pa sa ESPN agi'g pagyukbo sa bugtong geight-division world champion sa kasayayan.

“Pacquiao's remarkable achievements and impact on boxing highlight his extraordinary legacy and has now stemmed into a career in politics and as an executive in various sports,” dugang pa niini.

Samtang si Olympic gold medalist Hidilyn Diaz nalandig sa ika-19 nga puwesto isip best Asian athlete.

Ang Zamboangeña lifter mitunol sa labing unang Olympic gold medal sa nasud didto sa Tokyo tulo ka tuig na ang milabay.

“Diaz's dedication and resilience are evident in her journey, overcoming numerous challenges to reach the pinnacle of her sport. She has also won multiple medals in the Asian Games and World Championships,” sigun pa sa taho sa ESPN.

“Diaz's historic achievement and her role in elevating weightlifting in the Philippines are testaments to her exceptional talent and determination.”