Sugboanong volleyball player mihimo'g kasaysayan sa PVL Draft
![Sugboanong volleyball player mihimo'g kasaysayan sa PVL Draft](https://media.philstar.com/photos/2024/07/11/aying_2024-07-11_00-54-08.jpg)
CEBU, Philippines — Wala siya magdahum bisa'g gamay.
Si Danivah Sheilo Aying nangindahay lamang sa iyang pagsalmot sa labing unang Premier Volleyball League Rookie Draft niadtong Lunes, Hulyo 8, didto sa Novotel Manila sa Cubao, Quezon City.
Apan ang masaaron nga Sugboanong spiker nabuligan sa maayong palad sa talagsaon nga paagi.
Ang kanhi team captain sa University of San Jose-Recoletos (USJ-R) Jaguars women's volleyball team gikuha sa Galeries Tower Highrisers isip ika-23 ug katapusang pick sa draft.
Tungod niini, si Aying mihimo og kasaysayan isip bugtong draft pick nga wala magagikan sa usa ka UAAP o NCAA nga tunghaan.
“Super overwhelming po siya para sa akin kasi nga, zero expectations po talaga ako. Di ko inexpect na mada-draft talaga ako,” matud pa ni Aying, nga mitabang sa Jaguars pagsakmit sa korona sa women's volleyball sa Cebu Schools Athletic Foundation, Inc. (CESAFI) sa miaging tuig.
“Parang sabi ko na lang, sana lang mabigyan ako ng opportunity. Wala, wala po talaga akong hinahangad na makamit dito. Pero thank you po sa Galeries na binigyan ako ng chance at opportunity.”
Tungod sa iyang nakab-ot, si Aying nahimong dan-ag sa paglaum alang sa mga probinsiyanong atleta nga ang usa ka damgo matuman ra gyud kon duna lang silay kasingkasing paggukod niini.
“Siyempre po, matagal ko nang pangarap pumunta ng Manila, tapos ngayon lang nabigyan ng chance. Also, parang naging push ko na rin yung mga down comments ng mga ibang tao na 'Ay from Cebu lang yan'. Parang naging stepping stone siya para sa'kin,” dason pa ni Aying.
“’Di naman ibig sabihin na porket ‘di ako from UAAP o NCAA, ‘di na pwedeng mag-apply sa draft. Wala namang requirement na kailangan ka from NCAA o UAAP,” dugang pa sa 5-foot-6 nga opposite spiker.
Ang 23-anyos nga si Aying dunay bulawanong mga pulong alang niadtong mga nangandoy nga mosunod sa iyang mga tunob.
“Never give up. Kung pangarap mo, mag-try ka lang talaga, kasi wala namang mawawala kung mag-try ka. As long as andiyan yung perseverance mo, andiyan yung fire sa loob mo na gusto mo talagang makamit yung pangarap mo, go lang. Wala namang limitations diyan eh,” poaambit pa ni Aying.
- Latest