Ethanworx laing kampiyonato ang tirada sa Kalayaan Cup
CEBU, Philippines — Uban ang tadhan nga Sugbuanong race car driver nga si Carlo Anton Suarez, ang Ethanworx-Crane Cat Racing Team nagpanikad na sa ilang kampanya nga mosakmit og duha ka sagunson nga kampiyonato sa Kalayaan Cup sa Petron Makabayan Endurance Race Series 2024 nga gikatakda karong Hunyo 15-16 didto sa Clark International Speedway sa Mabalacat, Pampanga.
Si Suarez, usa ka hait nga Philippine GT driver ug Golden Wheel awardee nga bag-ohay pang gipasidunggan sa 38th Sportswriters Association of Cebu-San Miguel Beer (SAC-SMB) Cebu Sports Awards, magsilbeng reinforcement sa six-man team nga gipangulohan ni Dodie Cabasal ug mga anak niining sila si Gio ug Kiel. Si Dodie usa sab ka Golden Wheel awardee human nanghawod sa Phl Grand Touring Championship (GT100 class) sa miaging tuig.
Mopakita sila'g aksiyon kauban si Ethan Ong, nga usa sa nag-unang mga Pinoy karters aron, ug Pep Lo, nga usa sab ka reinforcement sama ni Suarez.
"Everyone is competitively aiming for the championship. We expect everyone (car, drivers, managers, and mechanics) to produce the best results," matud pa sa team manager nilang si JM Ong.
"But at the end of the day, the team is one big family either connected by blood, strong bond, and/or sincere friendship. Win or lose, our goal is to enjoy as one without compromising the relationship and bond between the team members," dugang pa ni Ong.
Sukad sila na-establisar niadtong 2001, ang Ethanworx-CCR mihimo og marka isip usa sa labing dekalibre nga puwersa sa Philippine motorsports.
- Latest
