Coach Kerr mipirma og rekord nga kontrata

CEBU, Philippines — Si coach Steve Kerr, nga migiya sa Golden State ngadto sa upat ka korona, mipirma og NBA record nga kontrata nga mibalor og $35 million sud sa duha ka tuig uban sa Warriors kagahapong adlawa.

Sa makubra niyang $17.5 million nga suweldo matag tuig, si Kerr nahimong highest-paid coach sa kasayayan sa NBA.

Mapupos ang kasamtangang kontrata ni Kerr uban sa Warriors inig ka human pa ning 2023-24 season. Ning bag-ong kasabotan nga iyang gisilyohan , magbapilin siya sa Warriors hangtud sa 2025-26 season.

Ang 58-anyos nga si Kerr gikuha nga coach sa Warriors niadtong Mayo 2014. Naka-abot sila sa NBA Finals sud sa lima ka sagunson nga tuig ug nakampiyon niadtong 2015, 2017 ug 2018. Misakmit sila og laing titulo niadtong 2022.

Isip player, si Kerr nakalangkat og lima ka kampiyonato, tulo niini kauban si Michael Jordan sa Chicago  Bulls ug kaduha sa Spurs.

Si Kerr, nga mitali sa ika-500 niyang daog isip coach niadtong Biyernes, mao sab ang head coach sa Team USA nga mopakita'g aksiyon  sa umaabot nga 2024 Paris Olympics.(CEBU NEWS)