CEBU, Philippines — Ang Academia of San Pedro Calungsod mopahigayon sa labing una niining Eco Color Fund Run 2024 nga gikatakda karong Mayo 12 didto sa ASPC campus sa dakbayan sa Naga, habagatang bahin sa Sugbo.
Si ASPC school director Fr. Conrado Don Sedillo maoy nangu sa pormal nga paglusad sa umaabot nilang kalihukan niadtong Miyerkules, Pebrero 21, kauban sila si learner s animator Reymar Padayao, race director Joel Juarez, ug ASPC-PPA vice president Edith Obligado.
Nagkanayon si Fr. Sedillo nga ang tema sa ilang dagan subay sa awhag ni Pope Francis nga ampingan ang kalikupan.
"We are including 'Eco' with this race in response to our holy father Pope Francis' call for the preservation of our mother nature, matud pa ni Fr. Sedillo.
"It promises to be a meaningful day for sports, environmental advocacy, and community building, all in support of a noble cause," dugang pa niya.
Talagsaon kaayo ang maong "fund run" gumikan kay ang mga partisipante hatagan og liso sa bakhaw nga ilang itanom sa gitaganang mga dapit daplin sa dagat
Sa laing bahin, si Fr. Sedillo mipadayag sa mainiton niyang pasalamat ngadto ni mayor Val Chiong isip labing una nga mihatag kanila og dakong suporta.
Naglaraw nga makatigum og kapin sa P5 million alang sa pagpatukod sa ilang school gym, ang charity run gipaabot nga pagasalmotan sa mga alumni, gininakanan, estudyante, magtutudlo ug ilang pamilya ingon man mga sakop sa LGU ug managanay gikan sa silingang mga lungsod ug dakbayan.
Ang rehistrasyon nagkantidad og P600 sa 3K, P700 sa 5K, ug P800 sa 10K category apil na niini ang race shirt, ang liso nga ilang itanom, finisher's medal, ug snacks.
Kadtong mga interesado mahimong magparehistro online o direkta ngadto sa nahisgutang tunghaan.