Kerr kampante sa iyang ugma uban sa Warriors
CEBU, Philippines — Si Golden State Warriors coach Steve Kerr nagkanayon nga masaligon siya nga magpabilin sa team bisan og wala pa siya makapirma og ekstensiyon sa kasamtangan niyang kontrata.
Sukad siya milingkod sa puwesto isip head coach sa Golden State niadtong 2014, si Kerr migiya sa Warriors ngadto sa upat ka kampiyonato sa NBA.
Mosud siya sa katapusang tuig sa iyang kontrata uban sa Warriors sa giatngaqn nga 2023-2024 NBA season nga mosikad na sunod bulan.
Relaks hinoon kaayo ang 57-anyos nga si Kerr relaks nga makapirma siya og lab-as nga kontrata bisan og wa pay gipresenta kaniya ang Warriors sa pagka karon.
Kampante si Kerr nga makakab-ot ra siya og kasabotan nilang team owner Joe Lacob ug sa bag-o nilang general manager nga si Mike Dunleavy Jr. sa umaabot.
"I feel great about my position here," matud pa ni Kerr. "I want to be here. I know Mike and Joe want me here, and so I'm very confident something will get done. I'm not stressed about it at all."
"You know, I'm perfectly capable of coaching whether I have one year left or an extension," dugang pa ni Kerr. "Makes no difference. But I fully expect to be here."
- Latest
