1st Rey Gealon chessfest gitakda
CEBU, Philippines — Kapin sa P30,000 nga ganting salapi ang ipanghatag sa mga mananaog sa 1st Councilor Rey Gealon Open Chess Tournament nga gikatakda karong Septiembre 10 didto sa Cebu Chess Club nga anaa mahimutang sa 4th floor sa Robinsons Galleria Cebu.
Ang makampiyon sa siyam ka hugna nga torneyo nga giorganisa ni Cebu City councilor Atty. Rey Gealon inabagan sa Cebu Executives and Professionals Chess Association (CEPCA) ubos sa liderato ni Engr. Jerry Maratas ug National Chess Federation of the Philippines (NCFP) mobulsa og P8,000.
Ang mopahiluna sa ikaduha ngadto sa ikalimang dapit mokubra og P5,000, P3,000, P2,000, ug P1,000. Ang 6th-10th makadawat og P700 samtang ang 11th-15th dunay P500 matag usa.
Duna say insentibo kadtong mga mopatigbabaw sa tagsa-tagsa nila ka mga kategoriya:P1,000 ug P500 alang sa top 2 collegiate (Under 20) ug high school (Under 16) players, ug P500 alang sa top Cepcan (A ug B), female, senior, ug boys/girls U10 players.
Ang rehistrasyon nagkantidad og P150 alang sa kid/lady/Cepcan/senior/PWD ug P250 alang sa regular players.
Alang sa dugang detalye, mahimong mokontak nilang Jun Olis (0945-5216081) ug Kevin Yap (0945-8559800) o bisitaha ang Facebook page sa CEPCA ug Cebu School of Chess.
- Latest
