CEBU, Philippines — Dako gihapon ang paglaum sa Gilas Pilipinas kang Scottie Thompson nga bisan sa injury sa kamot makaapas pa gihapon kini sa praktis usa ka semana sa dili pa opisyal magsugod ang FIBA World Cup nga anhi himuon sa Pilipinas.
Si Thompson naangol sa kamot atol sa practice session nila didto sa Kaunas sa nasud Lithuania atol sa ilang European training friendly games nga kabahin sa preparasyon sa Gilas sa umaabot nga World Cup.
Si Gilas assistant coach Tim Cone mibutyag sa mga sakop sa media nga si reigning PBA Most Valuable player Thompson naa na sa recovery period ug nagpakondisyon na sa iyang lawas.
“He has got a much fuller range of motion on his hand now. So it seems like he has always been a quick healer, with his history in Ginebra,” matud pa ni Cone.
“We are expecting him to heal probably more quickly than what the doctor thinks and we are hoping to get him back, maybe a week or two, hopefully two weeks before the World Cup,” si Cone mipuno.
Si Cone miingon nga dako ang papel ni Thompson sa Gilas isip giisip nga usa sa mga lider sa koponan ug nasuhito siya sa dinuwaan sa iyang mga ka team mates sa Gilas.
“He knows the rest of the guys very well already, and he played with Jordan (Clarkson])and Kai (Sotto) in Lebanon, so he knows them a little bit, but that is not enough for the World Cup,” matud pa ni Cone.
Giangkon hinuon ni Cone nga posibleng dili paapilon si Thompson sa ilang friendly games ug training didto sa China.
“If he is available then, then he is pretty much a sure bet for the World Cup. But, if he is not available then, then that will be a big question mark,” dugang pa ni Cone.