CEBU, Philippines — Nakasulod na sa qualification round sa Asian Athletics Championships sa Bangkok, Thailand si hurdler John Cabang Tolentino human iyang oras nga 13.70 segundos sa men’s 110-meter hurdles final kagahapon. Samtang ang iyang ka team mate nga si Cinton Bautista wala makapasar human niya natapos ang maong duwa sa oras nga 13.99 segundos.
Si Tolentino palang ang atletang Pinoy sa maong duwa nga nakasulod sa maong athletics competition human nga nangatagak sab silang Gennah Malapit (javelin), Sonny Wagdos (10,000m), Maureen Schrijvers (400m) ug Frederick Ramirez (400m) sa ilang mga duwa. Atol ning pagsuwat sa balita, kasamtangan pang nagduwa si Tokyo Olympian sprinter Kristina Knott.
Mao sab ang laing hurdlers nga silang Eric Cray ug long jumper Janry Ubas nga pareho sab nagtinguhang mo-qualify para sa Paris Olympics nga pareho sab mopakita og aksyon kagahapong adlawa Hulyo 15.
Gipaabot sab nga mopakita og aksyon karong adlaw nga Domingo ang World No. 3 pole vaulter nga si EJ Obiena kinsa maoy number one sa Asian Games ug Tokyo Olympics silver medallist. — IBM