Mga Pinoy mipapha sa Spanish World Pool champions
CEBU, Philippines — Gipapha sa mga Pilipino cuers ang defending champions nga nasud sa Spain gikan sa 2023 World Cup of Pool sa pagabli palang sa torneyo sa iskor nga 7-5 didto mismo sa ilang tugkaran sa Pazo de Feiras e Congresos de Lugo, Spain.
Ang maong torneyo giabagan sa The Asociación Gallega de Billar Pool (AGP), Xunta de Galicia ug EIDF Solar live on Sky Sports sa UK ug Ireland, DAZN sa Spain, USA, Italy, Brazil, Viaplay sa Scandinavia, the Baltics, Poland ug mga broadcasters sa kalibotan.
Nahimong paborito sila si Francisco Sanchez Ruiz ug David Alcaide isip 9/2 bookies' favorites kay ilaha man ang mga nanan-aw apan silang James Aranas ug Johann Chua wala magpadala sa presyur gikan sa mga Espanyol nga nanan-aw ug niabiba sa ilang kababayan.
Nakauna dayon ang Spain sa opening racks 2-0, sama sa pagpaila nga sila ang kasamtangang kampeyon sa maong torneyo, apan wala nila damha ang abilidad nilang Aranas ug Chua.
Giilog sa Pilipinas ang sunod nga tulo ka racks. Anha na nagdaog sa ikaunom nga match apan inutok nga depensa sa mga Pinoy pinaagi sa pagtagod sa bola-mano, kay lagi sila may kampeyon nangita og paagi si Alcaide pinaagi sa jump shot aron hutdon ang nahibiling bola ug labaw 5-3 .
Wala magpapiri ang mga batan-ong sila si Aranas ug Chua, nakakita sila og kahigayonan nga mabawi ang momentum sa sipyat ni Sanchez Ruiz.
Gikan adto, wala nay nahimo ang Spain kondili ang pagtan-aw nga hinayhinay nanulod ang bola hangtud nakatabla ang mga Pinoy 5-5.
Ang mga sipyat sa tira sa Spain maoy nakahatag og kahigayonan sa mga Pinoy nga makaabante og maayo hangtud nakuha ang 7-5 nga iskor. – IBM
- Latest
