CEBU, Philippines — Padayong naghari ang Amerikanong si Devin Haney isip undisputed lightweight world champion.
Kini human iyang gipidle ang kanhi kampiyon nga si Vasiliy Lomachenko pinaagi sa unanimous decision kagahapong adlawa didto sa Las Vegas.
Human sa eksplosibo nilang 12 ka hugna nga kumbati, ang tulo ka mga judges mipabor tanan ni Haney sa iskor nga 116-112, 115-113, 115-113.
Gawas nga nadepensaan ang upat niya ka mga bakus sa WBA, WBO, IBF ug WBC, ang 24-anyos nga si Haney miinat sab sa perpekto niyang record ngadto sa 30-0 uban ang 15KOs.
Si Haney nahimong labing unang undisputed lightweight world champion sukad ni Pernell Whitaker niadtong 1990 human gikulata si George Kambosos didto sa Melbourne niadtong Hunyo 2022.
Sa iyang bahin, si Lomachenko, nga miaway og balik niadto lamang Oktubre sa miaging tuig human mitabang sa iyang nasud nga Ukraine sa ilang gubat batok sa Russia, natagak sa 17-3 uban ang 11KOs.