Never Give Up kampiyon sa LBA

CEBU, Philippines —  Sa gipanagna sa kadaghanan, ang Never Give Up mao gyud ang nigawas nga kampiyon  sa bag-o lang natapos nga Lamac Basketball Association (LBA) tournament 2023. Kini human gipilde sa NeverGive Up ang karibal nilang C'Mart sa finals, 65-60 diha sa Lamac gym sa Consolacion, Cebu. Sa sayo pa, ang Azitron milubong sa 3K's. 85-70 aron sa pagpahiluna sa ikatulong dapit ning maong liga nga nagmalampuson tungod sa mga paningkamot sa LBA officers ubos sa liderato samaabtikon ug kugihan nilang presidente nga si Roy Ermac.

Si Darius Duron nagmangtas og maayo sa maong duwa ilabi na sa fourth quarter aron mohipos sa iyang kinatibuk-ang 21 puntos nga igo na kaayo alang kaniya aron ilhon isip Finals MVP.

Laing nakatampo og daku sa kadaogan mao si Julieto Lacio nga mikolekta og 11 puntos.

Si Tanong Dayday nga nindot kaayo'g salida sa tibuok liga maoy napiling Season MVP ug siya sab

ang nangu sa mythical five uban nilang Dr. Genaro 'Jun' Borces Jr. sa VT Boys, Rocky Malicay sa

C'Mart, Rico  Sungahid sa Azitron ug Francis Palero sa 3K's.

Ang trayanggulo nilang Dayday, Duron ug Lacio maoy responsabli sa pagbangon sa team atol sa

fourth quarter diin nagkumbinar sila og 20 punto aron ituboy ang koponan ngadto sa kadaogan.

Si Mano Raz maoy topscorer sa C'Mart pinaagi sa iyang 12 puntos, gisundan ni Martin Colubio nga  adunay 10 puntos.