CEBU, Philippines — Ang bitoon sa New Orleans Pelicans nga si Zion Williamson dili makapakita'g aksiyon sud sa laing tulo ka duwa apil niini ang NBA All-Star Game tungod sa hamstring injury nga nahiaguman niini.
Si Williamson, nga mi-average og 26.0 puntos, 7.0 rebounds ug 4.6 assists ning season, wala na makaduwa pa uban sa Pelicans sukad niadtong Enero 3 gumikan sa iyang angol.
Ang Pelicans ikawalo karon sa Western Conference uban ang 29-27 record.
Eksaminon og balik si Williams human sa All-Star break aron pagdetermina kon kanus-a siya puyde na makabalik sa korte.
Sukad siya gihimong No.1 overall pick sa Pelicans niadtong 2019 Draft, ang 22-anyos nga si Williamson kanunay nga gihamok og injury. (BANATNEWS)