CEBU, Philippines — Human nabaraw sud sa duha ka tuig tungod sa pandemiya, ang Titans Run mobalik sa eksena pinaagi sa usa ka “night run” didto sa Mandani Bay sa dakbayan sa Mandaue karong Marso 12.
Ang makalingaw nga lumba nga giorganisa sa Student Body Organization sa Paref-Springdale School ug ginikanan sa mga estudyante sa Grade-3 naglangkob og lima ka kategoriya. Kini mao ang 10K, 5K, 3K Dad and Son, 3K ug 1K.
Bukas alang sa tanan, ang rehistrasyon nagkantidad og P700 sa 10K, P650 sa 5K, P1,100 sa 3K Dad and Son, ug P600 sa 3K ug 1K apil na niini ang dri-fit shirt, "glow-in-the-dark" accessory, race bib ug finisher’s medal.
Ang top 3 sa men's ug women's 10K parehong mobulsa og P3,000, P2,000 ug P1,000.
Samtang ang nag-unang tulo ka mananaog sa 5K mokadawat og P1,500, P1,000 ug P500.
Alang sa dugang detalye, mahimong mokontak sa Paref-Springdale (0915-4190049) o e-mail sa titansrun2023@gmail.com.