CEBU, Philippines — Si Luka Doncic mipaulbo og 41 puntos sa iyang triple-double aron pangulohan ang Dallas Mavericks ngadto sa 129-125 nga kadaogan sud sa overtime batok sa Brooklyn Nets sa 2022-23 NBA season kagahapon.
Ang Slovenian star guard milangkat sab og 11 ka rebounds ug 14 ka assists sa ika-47 niyang triple-double sa regular season.
Tungod niini, si Doncic nahimong ika-10 nga player sa kasaysayan sa NBA nga mireshitro og triple-double uban ang dili mominus 40 puntos. Sa pagpiog nila sa Nets, bangis kaayo si Doncic nga mipasud og 14 sa 28 niya ka itsa ug kaduha lamang masipyat sa 13 niini ka free throws.
Sila si Kyrie Irving ug Kevin Durant nagkumboya'g 76 puntos apan nakawang ang ilang paningkamot gumikan kay ang Nets nakatilaw sa ikaupat nilang pilde sud sa lima ka duwa.